എയര്‍ടെല്‍ ഏറ്റവും പുതിയ ഓഫറുകളുമായി രംഗത്ത്. പുതിയ ഓഫർ പ്രകാരം എയർടെൽ ബ്രോഡ്ബാൻഡ് വരിക്കാർക്ക് 1,000 ജിബിയുടെ അധിക ഡേറ്റയാണ് ലഭിക്കുക. ഒക്ടോബർ 31 വരെയാണ് ഓഫർ കാലാവധി.

നേരത്തെ മാർച്ച് 31 വരെയാണ് ഈ ഓഫര്‍ നല്‍കിയിരുന്നത്. എന്നാല്‍ ജിയോ ഫൈബർ ലോഞ്ചിംഗ് മുന്നിൽക്കണ്ടാണ് എയർടെൽ ബിഗ് ബൈറ്റ് ഓഫർ ഒക്ടോബർ 31 വരെ നീട്ടിയിരിക്കുന്നത്.

മാസത്തിൽ 699 മുതല്‍ 1,799 രൂപ വരെയുള്ള പ്ലാനുകൾക്കാണ് ഓഫർ ലഭിക്കുക. പ്ലാനിന്റെ സ്പീഡ് എത്രയാണോ അതേ വേഗത്തിൽ ഫ്രീ ഡേറ്റയും ഉപയോഗിക്കാം. ഓരോ മാസത്തെയും ശേഷിക്കുന്ന ഡേറ്റ ഒക്ടോബർ 31 വരെ ഉപയോഗിക്കാനും അവസരമുണ്ട്.

2017 ജൂണിന് ശേഷമുള്ള എയര്‍ടെല്‍ DSL വരിക്കാർക്കും ഈ ഓഫർ ലഭിക്കും. കൂടാതെ എല്ലാ എയര്‍ടെല്‍ ബ്രോഡ്ബാന്‍ഡ് വരിക്കാര്‍ക്കും ഒരു വര്‍ഷത്തേക്ക് ഫ്രീ ആമസോണ്‍ പ്രൈം അംഗത്വവും നല്‍കുന്നുണ്ട്.

malayalam.goodreturns.in