ഐപിഎല്‍ എത്തിയതോടെ പുത്തൻ ഓഫറുകളുമായി റിലയന്‍സ് ജിയോ രംഗത്ത്. 251 രൂപയ്ക്ക് 51 ദിവസം കാലാവധിയില്‍ 102 ജിബി ഡേറ്റ ലഭിക്കുന്ന ഒരു ഓഫറുമായിട്ടാണ് ജിയോ എത്തിയിരിക്കുന്നത്.

ഐപിഎല്‍ മത്സരങ്ങള്‍ ലൈവായി കാണുവാന്‍ ഡാറ്റ നല്‍കുക എന്നതാണ് ജിയോയുടെ പ്രധാന ലക്ഷ്യം. ഒപ്പം ക്രിക്കറ്റ് കാലത്തെ വരവേൽക്കാൻ കോടികളുടെ സമ്മാനങ്ങൾ നൽകുന്ന ക്രിക്കറ്റ് ലൈവ് ഗെയിമും ക്രിക്കറ്റ് ഹാസ്യ ഷോയും ജിയോ ഒരുക്കിയിട്ടുണ്ട്.

ഏപ്രില്‍ ഏഴു മുതല്‍ മൈ ജിയോ ആപ്പിലൂടെയാണു ധന്‍ ധനാ ധന്‍ തല്‍സമയ ക്രിക്കറ്റ് ഹാസ്യ ഷോ അരങ്ങേറുക. ഹാസ്യതാരം സുനില്‍ ഗ്രോവറും ക്രിക്കറ്റ് കമന്റേറ്റര്‍ സമീര്‍ കൊച്ചാറും ചേര്‍ന്ന് ഇത് അവതരിപ്പിക്കും.

വെള്ളി, ശനി, ഞായര്‍ ദിവസങ്ങളില്‍ രാത്രി ഏഴരയ്ക്കാണ് ഷോ. കാറുകളും മുംബൈയില്‍ ഒരു പ്രീമിയം വീടുമടക്കം ഒട്ടേറെ സമ്മാനങ്ങളാണു ലൈവ് ഗെയിമില്‍ പങ്കെടുക്കുന്നവരെ കാത്തിരിക്കുന്നത്. ജിയോ ക്രിക്കറ്റ് പ്ലേ എലോങ് ലൈവ് ഗെയിമില്‍ 11 ഭാഷകളില്‍ പങ്കെടുക്കാം.

malayalam.goodreturns.in