ബിജെപി വാർഷിക വരുമാനം

റിപ്പോർട്ട് അനുസരിച്ച് ബി.ജെ.പിയുടെ വാര്‍ഷിക വരുമാനം കഴിഞ്ഞ വർഷത്തെ അപേക്ഷിച്ച് 81 ശതമാനം വര്‍ദ്ധിച്ചു. ഏഴു പാര്‍ട്ടികള്‍ക്കും കൂടി ആകെയുള്ള 1559.17 കോടി രൂപ വരുമാനത്തില്‍ 1034.27 കോടിയും ബിജെപിയുടേതാണ്.

കോൺഗ്രസ് ഇടിഞ്ഞു

കോണ്‍ഗ്രസിന്‍റെ വാര്‍ഷിക വരുമാനത്തില്‍ 14 ശതമാനത്തിന്‍റെ ഇടിവാണ് രേഖപ്പെടുത്തിയിരിക്കുന്നത്. 225.36 കോടി രൂപയാണ് കോണ്‍ഗ്രസ്സിന്‍റെ വരുമാനം. ബിജെപിയേക്കാൾ ഏറെ നാൾ ഇന്ത്യ ഭരിച്ച കോൺഗ്രസ് ഇപ്പോൾ ബിജെപിയേക്കാൾ ഏറെ പുറകിലാണ്.

ബിജെപിയുടെ വരുമാന സ്ത്രോതസുകൾ

• ഡോണേഷന്‍
• കോണ്‍ട്രിബ്യൂഷന്‍



കോൺഗ്രസിന്റെ വരുമാന സ്ത്രോതസുകൾ

• സര്‍ക്കാര്‍ ഗ്രാന്‍ഡുകൾ
• ഡൊണേഷൻ
• കോണ്‍ട്രിബ്യൂഷൻ



ബിജെപിയുടെ വാർഷിക ചെലവ്

ബി.ജെ.പിയുടെ ആകെ വാര്‍ഷിക ചെലവ് 710 കോടി രൂപയാണ്. തിരഞ്ഞെടുപ്പ് പ്രചാരണത്തിനായി 606 കോടിയും ഭരണകാര്യങ്ങള്‍ക്കായി 70 കോടി രൂപയും ചെലവായതായാണ് റിപ്പോർട്ട്.



കോൺഗ്രസിന്റെ വാർഷിക ചെലവ്

കോണ്‍ഗ്രസിന് 321 കോടി രൂപയാണ് ആകെ ചെലവായത്. എന്നാല്‍ കോണ്‍ഗ്രസിന്‍റെ ചെലവ് വരുമാനത്തെക്കാള്‍ 96.30 കോടി കൂടുതലായിരുന്നു. കോണ്‍ഗ്രസ് 149 കോടി തിരഞ്ഞെടുപ്പ് പ്രചാരണത്തിനും 115 കോടി ഭരണകാര്യങ്ങൾക്കുമാണ് ചെലവാക്കിയത്.



ഇടതു പാര്‍ട്ടികളുടെ വരുമാനം

ഇടതു പാര്‍ട്ടികളില്‍ സിപിഎം 100 കോടിയുടെ വരുമാന കണക്കാണ് സമര്‍പ്പിച്ചിരിക്കുന്നത്. 2.08 കോടി രൂപയുമായി സിപിഐ ആണ് ദേശീയ പാര്‍ട്ടികളില്‍ ഏറ്റവും പിന്നില്‍.