പേര് ഹലോ

പേരിൽ തന്നെ മാറ്റങ്ങൾ വരുത്തിയാണ് ഓർക്കുട്ടിന്റെ രണ്ടാംവരവ്. ഹലോ എന്നാണ് പുതിയ സൈറ്റിന്റെ പേര്. ഒരേ തരത്തിലുള്ള ഇഷ്ടങ്ങളും ഹോബികളും ഉള്ളവരെ ബന്ധിപ്പിക്കുകയാണ് ഹലോയുടെ ലക്ഷ്യം.

ലൈക്കിന് പകരം ലൗ

ഫേസ്ബുക്കിലെ ലൈക്കിന് പകരം ഹലോയിൽ ലവ് ആണുള്ളത്. ഫേസ്ബുക്കുമായി മത്സരിക്കുന്നതല്ലെങ്കിലും കിടിലൻ ഫീച്ചറുകളാണ് ഹലോയ്ക്കുള്ളത്.

ഹലോ ലഭ്യമായ രാജ്യങ്ങൾ

നിലവില്‍ യു.എസ്, കാനഡ, ബ്രിട്ടണ്‍, ഫ്രാന്‍സ്, ഓസ്ട്രേലിയ, ന്യൂസിലന്‍ഡ്, അയര്‍ലന്‍ഡ്, ബ്രസീല്‍ എന്നിവിടങ്ങളിൽ ഹലോ പ്രവ‍ർത്തിക്കുന്നുണ്ട്. ഇന്ത്യയിലാണ് ഏറ്റവും അവസാനമായി പ്രവ‍ർത്തനം ആരംഭിച്ചത്. ഓ‍ർക്കുട്ടിനെ സ്വീകരിച്ച ഇന്ത്യക്കാ‍ർ ഹലോയെയും ഏറ്റെടുക്കുമെന്നാണ് അധിക‍ൃതരുടെ പ്രതീക്ഷ.

പ്ലേ സ്റ്റോറിൽ ലഭ്യം

ഗൂ​ഗിൾ പ്ലേ സ്റ്റോറിൽ ഇപ്പോൾ ഹലോ ലഭ്യമാണ്. താത്പര്യമുള്ളവ‍ർക്ക് ഉടൻ ഡൗൺലോഡ് ചെയ്യാം.

ഫേസ്ബുക്ക് വിവാദം

ഫേസ്ബുക്കിന്റെ 8.7 കോടി ഉപഭോക്താക്കളുടെ വിവരങ്ങൾ അടുത്തിടെ ചോർന്നിരുന്നു. ഇത് സംബന്ധിച്ച് യുഎസ് സെനറ്റ് സമിതി മുമ്പാകെ ഫെയ്സ്ബുക് മേധാവി മാർക്ക് സക്കർബർഗ് മാപ്പ് അപേക്ഷിച്ചതിനു പിന്നാലെയാണ്, ഓർക്കുട്ട് സ്ഥാപകൻ ബ്യൂട്ടോക്ടെൻറ്റ് പുതിയ സോഷ്യൽ നെറ്റ്‌വർക്ക് ആപ്ലിക്കേഷൻ ‘ഹലോ' ഇന്ത്യയിൽ പുറത്തിറക്കിയത്.

ഓ‍ർക്കുട്ടിന്റെ തുടക്കം

2004ല്‍ ആണ് ഓ‍ർക്കുട്ട് പ്രവ‍ർത്തനം ആരംഭിക്കുന്നത്. ഓ‍‍ർക്കുട്ടിന്റെ പ്രചാരം കൂടിയതോടെ ​ഗൂ​ഗിൾ ഓ‍ർക്കുട്ടിനെ ഏറ്റെടുത്തു. എന്നാൽ ഫേസ്ബുക്കിന്റെ വള‍ർച്ച കുതിച്ചുയർന്നതോടെ ഓ‍ർക്കുട്ട് പ്രവ‍ർത്തനം അവസാനിപ്പിക്കുകയായിരുന്നു.