ടെലികോം ജീവനക്കാർക്ക് പ്രതീക്ഷ വേണ്ട. ഈ വര്‍ഷം ടെലികോം മേഖലയിലെ ജീവനക്കാര്‍ക്ക് ശമ്പള വര്‍ദ്ധനവുണ്ടാകില്ലെന്ന് റിപ്പോർട്ട്. ബോണസില്‍ 50 ശതമാനം കുറവ് വരുത്തിയതായി റിപ്പോര്‍ട്ടുകള്‍ വ്യക്തമാക്കുന്നു.

2018ല്‍ അവസാനിച്ച സാമ്പത്തിക വര്‍ഷത്തില്‍ വരുമാനം കുത്തനെ ഇടിഞ്ഞതാണ് കമ്പനികള്‍ക്ക് തിരിച്ചടിയായിരിക്കുന്നത്. 30 മുതല്‍ 40 ശതമാനം വരെ ജീവനക്കാരെയാണ് ഇത് കാര്യമായി ബാധിക്കുക.

വരുമാനം കുറഞ്ഞതോടെ ചെലവു ചുരുക്കാനും ജീവനക്കാരെ പിരിച്ചു വിടാനും നിര്‍ബന്ധിതരായിരിക്കുകയാണ് മിക്ക കമ്പനികളും. രണ്ടു ലക്ഷത്തോളം പേരാണ് ഈ മേഖലയില്‍ ജോലി ചെയ്യുന്നത്. ചില കമ്പനികൾ ലയന നടപടികളുമായി മുന്നോട്ട് പോകുന്നതോടെ നിരവധി പേർക്ക് ജോലി ഇതിനോടകം തന്നെ നഷ്ട്ടമായിട്ടുണ്ട്.

2016 സെപ്റ്റംബറില്‍ ജിയോ രംഗത്തെത്തിയതോടെയാണ് ടെലികോം മേഖലയിലെ നിലവിലെ സ്ഥിതി ആരംഭിച്ചത്. ജിയോ മറ്റ് കമ്പനികൾക്ക്
കനത്ത വെല്ലുവിളി ഉയര്‍ത്തിയാണ് രംഗത്തെത്തിയത്. ടെലികോം മേഖലയിൽ 30,000 മുതൽ 40,000 വരെ തൊഴിൽ നഷ്ടമുണ്ടാകുമെന്നാണ് വ്യവസായ മേഖലയിലെ വിദഗ്ധരുടെ മുന്നറിയിപ്പ്.

malayalam.goodreturns.in