രാജ്യത്തെ രണ്ടാമത്തെ വലിയ ഐടി കമ്പനിയായ ഇൻഫോസിസ് മാർച്ച് പാദത്തിൽ കമ്പനിയുടെ ലാഭം 28 ശതമാനം ഇടിഞ്ഞ് 3,690 കോടി രൂപയിലെത്തി. ഡിസംബറിൽ അവസാനിച്ച പാദത്തിൽ കമ്പനിയുടെ അറ്റാദായം 5,129 കോടി രൂപയായിരുന്നു.

കഴിഞ്ഞ വർഷം ഇതേ കാലയളവിൽ ഇത് 3,603 കോടി രൂപയായിരുന്നു അറ്റാദായം. ഇൻഫോസിസിൻറെ സിഇഒ ആയി സലിൽ പരേഖ് സ്ഥാനമേറ്റെടുത്തതിന് ശേഷമുള്ള ആദ്യ പാദമായിരുന്നു മാർച്ചിലേത്.

അടുത്ത സാമ്പത്തിക വർഷം കമ്പനിയുടെ വാർഷിക സ്ഥിര നിക്ഷേപം 6 മുതൽ 8 ശതമാനം വരെ ഉയരുമെന്നും കമ്പനി അധികൃതർ അറിയിച്ചു. ഡിസംബർ 31 ന് അവസാനിച്ച ത്രൈമാസത്തിൽ കമ്പനിയുടെ മൊത്തവരുമാനം 17,794 കോടി രൂപയാണ്. എന്നാൽ ഇത്തവണ ഇത് 18,083 കോടി രൂപയാണ്.

കഴിഞ്ഞ വർഷമാണ് ഇന്‍ഫോസിസിന്റെ സിഇഒയും എംഡിയുമായിരുന്ന വിശാല്‍ സിക്ക രാജി വച്ചത്. ആരോപണങ്ങളില്‍ മനം മടുത്താണ് രാജിയെന്നാണ് അന്ന് വിശാൽ സിക്ക രാജിക്കത്തില്‍ വ്യക്തമാക്കിയത്.

malayalam.goodreturns.in