ട്വിറ്റർ, ഫെയ്സ്ബുക്ക്, ഹെൽപ്ലൈൻ നമ്പറുകൾ തുടങ്ങിയവയ്ക്ക് പുറമേ റെയിൽവേയെക്കുറിച്ച് പരാതിപ്പെടാൻ ഇതാ മറ്റൊരു മാ‍​ർ​ഗം. MADAD എന്ന പേരിൽ പുതിയ ആപ്പ് ആണ് റെയിൽവേ പുറത്തിറക്കാൻ ഒരുങ്ങുന്നത്.

മൊബൈൽ ആപ്ലിക്കേഷൻ ഫോ‍ർ ഡിസയേർഡ് അസിസ്റ്റൻസ് ഡ്യൂറിം​ഗ് ട്രാവൽ എന്നാണ് ഈ ആപ്പിന്റെ പൂ‍ർണനാമം. ഈ മാസം അവസാനം ആപ്പ് പുറത്തിറക്കും. ആപ്പ് പുറത്തിറങ്ങിയാൽ യാത്രക്കാ‍ർക്ക് ട്രെയിനിൽ നിന്ന് ലഭിക്കുന്ന മോശം ഭക്ഷണം, വൃത്തിയില്ലാത്ത ടോയ്ലറ്റുകൾ തുടങ്ങി നിരവധി കാര്യങ്ങൾ അധികൃതരെ നിമിഷങ്ങൾക്കകം അറിയിക്കാനാകും.

ഈ ആപ്ലിക്കേഷൻ ഉപയോഗിച്ച് യാത്രയ്ക്കിടയിൽ ആവശ്യമായി വരുന്ന അടിയന്തര സേവനങ്ങളും പ്രയോജനപ്പെടുത്താം. പരാതികൾ സമർപ്പിക്കുന്ന ഉടൻ അതത് വകുപ്പിലെ ബന്ധപ്പെട്ട ഉദ്യോഗസ്ഥർക്കാണ് ലഭിക്കുക. ഇത് പരാതികൾ വളരെ വേ​ഗം രജിസ്റ്റ‍ർ ചെയ്യുന്നതിനും വേഗത്തിലുള്ള പ്രശ്ന പരിഹാരത്തിനും അനുവദിക്കും.

യാത്രക്കാർക്ക് അവരുടെ പരാതികളുടെ സ്റ്റാറ്റസ് ട്രാക്ക് ചെയ്യാനും ഈ ആപ്പ് വഴി സാധിക്കും. രജിസ്ട്രേഷൻ സ്വീകരിക്കുന്ന ഉടൻ പരാതിക്കാരന്റെ മൊബൈലിലേയ്ക്ക് പിഎൻആ‍ർ നമ്പ‍റും കംപ്ലേന്റ് ഐഡിയും എസ്എംഎസ് ആയി ലഭിക്കും.

malayalam.goodreturns.in