നിങ്ങൾ ഭീം ആപ്പ് ഉപയോഗിക്കാറുണ്ടോ? ഏറ്റവും പുതിയ ക്യാഷ്ബാക്ക് ഓഫറുമായാണ് ഭാരത് ഇന്റര്ഫേയ്സ് ഫേയ്സ് ഫോര് മണി (ഭീം) ആപ്പ് രംഗത്തെത്തിയിരിക്കുന്നത്. പുതിയതും പഴയതുമായ ഉപയോക്താക്കള്ക്ക് ഓഫര് ലഭ്യമാണ്.
ഓരോ മാസവും 750 രൂപവരെ ക്യാഷ്ബാക്ക് ലഭിക്കുന്ന പ്ലാനാണ് അവതരിപ്പിച്ചിരിക്കുന്നത്. എന്നാല്, ഭീം ആപ്പിന്റെ ഉപയോക്താക്കാളായ വ്യാപാരികള്ക്ക് 10,000 രൂപ വരെ പ്രതിമാസം ക്യാഷ്ബാക്ക് ലഭിക്കും.
ആദ്യ ഇടപാടിന് ഉപയോക്താക്കള്ക്ക് 51 രൂപ ക്യാഷ്ബാക്കാണ് ലഭിക്കുക. മാസം 25 മുതല് 50 തവണ വരെ ഇടപാടുകള് നടത്തുന്ന ഉപഭോക്താക്കൾക്ക് 100 രൂപ വരെ ക്യാഷ്ബാക്ക് ലഭിക്കും.
50 നും 100 നും ഇടയില് ഇടപാട് ഒരു മാസം നടത്തിയാല് 200 രൂപയും ക്യാഷ്ബാക്ക് ലഭിക്കുന്നതാണ്. 250 രൂപയാണ് പ്രതിമാസം 100 തവണയില് കൂടുതല് ഇടപാട് നടത്തിയാല് ക്യാഷ്ബാക്കായി ലഭിക്കുന്നത്. ഈ ഇടപാടുകളെല്ലാം 10 രൂപയോ അതില് കൂടുതലോ ആയിരിക്കേണ്ടതാണ്. കറന്സി രഹിത രാജ്യമെന്ന ആശയം പ്രോത്സാഹിപ്പിക്കുന്നതിന്റെ ഭാഗമായാണ് 'ഭീം' മൊബൈല് ആപ്പ് പ്രധാനമന്ത്രി നരേന്ദ്ര മോദി പുറത്തിറക്കിയത്.
malayalam.goodreturns.in