പരിശുദ്ധി

സ്വര്‍ണം വാങ്ങുമ്പോള്‍ കടയുടെ പരസ്യം മാത്രം നോക്കി വാങ്ങരുത്. മറിച്ച് ഗുണമേന്മയുള്ളവ വാങ്ങിക്കുക. വാങ്ങുന്ന സ്വര്‍ണം എപ്പോഴും 22 കാരറ്റ് അല്ലെങ്കില്‍ 24 കാരറ്റ് തന്നെയാണെന്ന് ഉറപ്പ് വരുത്തണം.

ഹാള്‍മാര്‍ക്ക്

ഗവണ്‍മെന്റ് അംഗീകരിച്ച ജ്വല്ലറികളിലെ സ്വര്‍ണത്തിന് ബിഐഎസ് മുദ്ര ഉണ്ടായിരിക്കും. അതുകൊണ്ടു തന്നെ ബിഐഎസ് ഹാള്‍മാര്‍ക്കുള്ള സ്വർണം മാത്രം തിരഞ്ഞെടുക്കുക.

വില

സ്വർണത്തിന്റെ തൂക്കത്തിന് അനുസരിച്ചുള്ള വില, പണിക്കൂലി, ജിഎസ്ടി എന്നിവ കണക്കാക്കിയാണ് നിങ്ങൾ വാങ്ങുന്ന സ്വർണത്തിന് ബിൽ നൽകുന്നത്. ആഭരണങ്ങൾക്ക് പ്രത്യേകിച്ച് പണിക്കൂലി എപ്പോഴും കൂടുതല്‍ ആയിരിക്കും. പണിക്കൂലി കുറഞ്ഞവ വാങ്ങുന്നതാവും എപ്പോഴും നല്ലത്.

സ്വർണം വാങ്ങാൻ ജൂവലറികളിൽ പോകേണ്ട

ജൂവലറികളിൽ നിന്ന് മാത്രമല്ല ബാങ്കുകൾ പോലുള്ള അംഗീകൃത വിൽപ്പനക്കാരിൽ നിന്നും നിങ്ങൾക്ക് സ്വർണം വാങ്ങാവുന്നതാണ്. എസ്ബിഐ പോലുള്ള ബാങ്കുകളിൽ നിന്ന് 2 ഗ്രാം തൂക്കമുള്ള നാണയങ്ങൾ വരെ വാങ്ങാം.

വിൽപ്പന അതിരാവിലെ മുതൽ തുടങ്ങി

അക്ഷയതൃതീയ പ്രമാണിച്ച് ഇന്ന് അതിരാവിലെ മുതൽ ജൂവലറികൾ വിൽപ്പന ആരംഭിച്ചിട്ടുണ്ട്. രാത്രി ഒമ്പത് മണി വരെ തുറന്ന് പ്രവര്‍ത്തിക്കും. അക്ഷയ ത്രിതീയ ദിവസത്തേക്കായി പ്രത്യക ബുക്കിങ് നേരത്തെ തുടങ്ങിയിരുന്നു.

എന്താണ് അക്ഷയ തൃതീയ?

ഐശ്വരത്തിന്റെ ആഘോഷമെന്ന് വിശ്വസിക്കുന്ന ദിവസമാണ് അക്ഷയ ത്രിതീയ. വൈശാഖ മാസത്തിലെ ശുക്ലപക്ഷ തൃതീയ ദിവസം ആരംഭിക്കുന്ന ഒരു കാര്യത്തിനും ക്ഷയം ഉണ്ടാകില്ലെന്നാണ് വിശ്വാസം.