എയർ ഏഷ്യയിൽ ആഭ്യന്തര വിമാന ടിക്കറ്റിന് പുത്തൻ ഓഫറുകൾ പ്രഖ്യാപിച്ചു. അവസാന നിമിഷ ടിക്കറ്റ് ബുക്കിം​ഗിനും ഓഫ‍ർ നിരക്ക് ബാധകമാണ്. 1,399 രൂപ മുതലുള്ള ടിക്കറ്റുകളാണ് ലഭിക്കുക.

തിരഞ്ഞെടുക്കപ്പെട്ട റൂട്ടുകളിലേയ്ക്ക് ഈ നിരക്കിൽ ടിക്കറ്റ് ലഭിക്കുന്നത്. ഏപ്രിൽ 29 വരെ ഇതേ നിരക്കിൽ ടിക്കറ്റുകൾ ബുക്ക് ചെയ്യാം. 2018 ഒക്ടോബ‍‍ർ 31 വരെയുള്ള യാത്രകൾക്കാണ് ഇളവ് ബാധകമാകുന്നത്. ബംഗളൂരു, ഗോവ, കൊൽക്കത്ത, റാഞ്ചി, ചെന്നൈ, ഹൈദരാബാദ്, റാഞ്ചി എന്നിവിടങ്ങളിലേക്കുള്ള ടിക്കറ്റുകളാണ് എയ‍ർ ഏഷ്യ വാ​ഗ്ദാനം ചെയ്യുന്നത്.

ഓഫർ ലഭിക്കുന്നതിന് ഉപഭോക്താവ് അറിഞ്ഞിരിക്കേണ്ട ഏതാനും ചില നിബന്ധനകളും വ്യവസ്ഥകളും എയർ ഏഷ്യ ഇന്ത്യ നൽകിയിട്ടുണ്ട്. മുൻകൂട്ടി ബുക്ക് ചെയ്യുന്നവ‍ർക്ക് മാത്രമേ ഈ ഓഫ‍ർ ലഭിക്കൂ. കൂടാതെ www.airasia.com എന്ന ഓൺലൈൻ വെബ്സൈറ്റ് വഴി ബുക്ക് ചെയ്യുകയും വേണം.

വിമാനത്താവള നികുതികൾ കൂടി ഉൾപ്പെടുന്നതാണ് ടിക്കറ്റ് ചാർജ്. സീറ്റുകൾ പരിമിതമായതിനാൽ എല്ലാ ഫ്ലൈറ്റുകളിലും ടിക്കറ്റ് ലഭ്യമാകണമെന്നുമില്ല.

malayalam.goodreturns.in