49 രൂപയ്ക്ക് 3 ജിബി ഡാറ്റ നല്‍കുന്ന ഓഫറുമായി എയര്‍ടെല്‍ രംഗത്ത്. ജിയോയുടെ ഓഫറിനെ മറികടക്കാന്‍ പ്രഖ്യാപിച്ച ഈ ഓഫര്‍ തുടക്കത്തില്‍ തിരഞ്ഞെടുത്ത പ്രദേശങ്ങളിലെ തിരഞ്ഞെടുത്ത ഉപഭോക്താക്കൾക്ക് മാത്രമാണ് ലഭിക്കുക.

മൈ എയര്‍ടെല്‍ ആപ്പ് വഴിയോ ഔദ്യോഗിക വെബ്സൈറ്റ് വഴിയോ നിങ്ങൾക്ക് ഓഫർ ലഭ്യമാണോ എന്നറിയാനാകും. 49 രൂപയുടെ ഈ പ്ലാൻ അനുസരിച്ച് ഒരു ദിവസത്തേക്ക് 3 ജിബി ഡേറ്റ ഉപയോഗിക്കാം.

എന്നാൽ ജിയോയുടെ 52 രൂപ പ്ലാനിന്റെ കാലാവധി 7 ദിവസമാണ്. ഏഴു ദിവസത്തേക്ക് 1.05 ജിബി ഡേറ്റയാണ് ജിയോ നല്‍കുന്നത്. ഇതോടൊപ്പം അൺലിമിറ്റഡ് വോയ്സ് കോൾ, 70 എസ്എംഎസ് എന്നിവയും ലഭിക്കുന്നു.

ക്രിക്കറ്റ് സീസണ്‍ കാലമായതിനാല്‍ ലൈവ് മത്സരം കാണുന്നവര്‍ക്ക് ഉപകാരപ്രദമായ രീതിയിലാണ് എയ‍ർടെൽ പുതിയ ഓഫര്‍ പുറത്തിറക്കിയിരിക്കുന്നത്. ഇത് ഉപഭോക്താക്കൾക്ക് ഉപകാരപ്രദമാകുമെന്നാണ് എയ‍‍ർടെല്ലിന്റെ പ്രതീക്ഷ. ഐപിഎൽ സീസണിനോട് അനുബന്ധിച്ച് ജിയോയും വൊഡാഫോണും തങ്ങളുടെ ഉപഭോക്താക്കൾക്ക് പുതിയ ഓഫ‍ർ നേരത്തേ തന്നെ നൽകിയിരുന്നു.

malayalam.goodreturns.in