മികച്ച സാമ്പത്തിക വിദഗ്‍ധന്‍

സാമ്പത്തിക വിദഗ്‍ധന്‍ എന്ന നിലയിലെ അദ്ദേഹത്തിന്‍റെ പ്രവര്‍ത്തനത്തില്‍ ഇംഗ്ലണ്ടില്‍ വലിയ മതിപ്പാണുളളത്. കൂടാതെ ആര്‍ബിഐ ഗവര്‍ണറായുളള രഘുറാമിന്‍റെ പ്രവര്‍ത്തനങ്ങള്‍ കൂടി കണക്കിലെടുത്താണ് പരിഗണന.

നിലവില്‍

നിലവില്‍ ഷിക്കാഗോ ബൂത്ത് സ്കൂള്‍ ഓഫ് ബിസിനസ് സര്‍വകലാശാലയില്‍ സാമ്പത്തിക വിഭാഗം പ്രൊഫസറാണ്. നിരവധി ആഗോള സമ്മേളനങ്ങളില്‍ പ്രബന്ധങ്ങളവതരിപ്പിച്ചിട്ടുളള രഘുറാം, ഇപ്പോള്‍ ജീവിച്ചിരിക്കുന്ന ഏറ്റവും വില പിടിപ്പുളള സാമ്പത്തിക ശാസ്ത്ര വിദഗ്‍ധരിലൊരാളാണ്.

മാർക്ക് കാർണി

കാനേഡിയൻ പൗരനായ മാർക്ക് കാർണിയാണ് ഇപ്പോൾ ബാങ്ക് ഓഫ് ഇംഗ്ലണ്ടിന്റെ ഗവർണർ. എട്ടു വർഷമാണ് കാലാവധി. പക്ഷെ അഞ്ചു വർഷം പൂർത്തിയാകുമ്പോൾ അദ്ദേഹം സ്വയം സ്ഥാനം ഒഴിയുകയാണ്.

ആറുപേ‍ർ പരി​ഗണനയിൽ

ഗവര്‍ണര്‍ സ്ഥാനത്തേക്ക് പരിഗണിക്കുന്നതിന് ആറു പേരുടെ പട്ടിക തയ്യാറാക്കിയിട്ടുള്ളതായും റിപ്പോർട്ടിൽ പറയുന്നുണ്ട്. എന്നാൽ സാധ്യത കൂടുതൽ രാജനാണ്. ആൻഡ്രൂ ബെയ്‌ലി, ബെൻ ബ്രോഡ്‌ബെന്റ്, ഇന്ത്യൻ വംശജയായ ബാരോൺസ് ശ്രിതീ വധേര, ആൻഡി ഹാൾഡനെ, മിനോച്ചി ഷാഫി എന്നിവരാണ് മറ്റ് അഞ്ചു പേ‍ർ.