കല്യാണ് ജൂവലേഴ്സിന്റെ ആഗോള ബ്രാൻഡ് അംബാസഡറായി ബോളിവുഡ് താരം കത്രീന കൈഫിനെ നിയമിച്ചു. ജൂവലറിയുടെ സ്വർണം, ഡയമണ്ട് ആഭരണശേഖരത്തിന്റെ പ്രചാരണത്തിന് കത്രീന നേതൃത്വം നല്കും.
കമ്പനിയുടെ പ്രചാരണത്തിൽ ബ്രാൻഡ് അംബാസഡർമാരായ അമിതാഭ് ബച്ചൻ, ജയ ബച്ചൻ, നാഗാർജുന, പ്രഭു, ശിവരാജ് കുമാർ, മഞ്ജു വാര്യർ എന്നിവർക്കൊപ്പം ഇനി കത്രീന കൈഫും പ്രത്യക്ഷപ്പെടുമെന്ന് കല്യാൺ ജൂവലേഴ്സ് ചെയർമാനും മാനേജിംഗ് ഡയറക്ടറുമായ ടി.എസ്. കല്യാണരാമൻ അറിയിച്ചു.
ഇന്ത്യയിൽ മാത്രമല്ല, ആഗോളതലത്തിലും ശ്രദ്ധേയയായ നടിയാണ് കത്രീനയെന്നും അതുകൊണ്ട് തന്നെ ഇന്ത്യയിലും ആഗോള തലത്തിലും ജൂവലറിയുടെ ഭാവി വളർത്താൻ കത്രീനയിലൂടെ സാധിക്കുമെന്നും ജൂവലറി അധികൃതർ വ്യക്തമാക്കി.
കഴിഞ്ഞ രണ്ടു വർഷമായി കല്യാണിന്റെ ഉത്പന്നങ്ങളെ പ്രോത്സാഹിപ്പിക്കുകയും ഇന്ത്യയിലെ ഏറ്റവും വിശ്വസനീയമായ ജൂവലറി ബ്രാൻഡായി പദവി നിലനിർത്താൻ സഹായിക്കുകയുെ ചെയ്ത സോനം കപൂറിന് ടി.എസ്. കല്യാണരാമൻ നന്ദി അറിയിച്ചു.
malayalam.goodreturns.in