സ്വര്‍ണ വിലയില്‍ വൻ ഇടിവ്. പവന് 120 രൂപയുടെയും ഗ്രാമിന് 15 രൂപയുടെയും ഇടിവാണ് ഇന്നുണ്ടായിരിക്കുന്നത്. പവന് 23, 160 രൂപയും ഗ്രാമിന് 2,895 രൂപയുമാണ് ഇന്നത്തെ സ്വർണവില.

ഇന്നലെ ഗ്രാമിന് 2,910 രൂപയായിരുന്നു വില. പവന് 23, 280 രൂപയും. കഴിഞ്ഞ ഒന്നര വർഷത്തിനിടെയിലെ ഏറ്റവും ഉയർന്ന വിലയായിരുന്നു ഇന്നലത്തേത്. എന്നാൽ ഈ മാസം 13ന് ശേഷമുള്ള ഏറ്റവും താഴ്ന്ന നിരക്കാണ് ഇന്നത്തേത്. ഏപ്രില്‍ 13 ന് ഗ്രാമിന് 2,870 രൂപയായിരുന്നു വില.

കഴിഞ്ഞ വര്‍ഷത്തെ അപേക്ഷിച്ച് സംസ്ഥാനത്ത് സ്വര്‍ണത്തിന് പൊതുവെ കൂടിയ വിലയാണിപ്പോഴുള്ളത്. ആഗോള വിപണിയിൽ സ്വർണ വിലയിലുണ്ടാകുന്ന മാറ്റങ്ങളാണ് ആഭ്യന്തര വിപണിയിലെയും വില മാറ്റത്തിന് കാരണം. ഏപ്രിൽ ആദ്യം മുതൽ വിലയിൽ ഉയ‍ർച്ചയാണ് രേഖപ്പെടുത്തുന്നത്.

ഏപ്രിലിലെ ഏറ്റവും കുറഞ്ഞ വില 22600 രൂപയാണ്. ഏപ്രിൽ ആദ്യ ആഴ്ച്ചയിലാണ് ഈ വിലയ്ക്ക് വ്യാപാരം നടന്നത്. പിന്നീട് വില കുതിച്ചുയരുകയായിരുന്നു. മാർച്ചിൽ ഏറ്റവും ഉയ‍‍ർന്ന വില 22,920 രൂപ ആയിരുന്നു. കുറഞ്ഞ വില 22440 രൂപയും.

malayalam.goodreturns.in