സ്വർണ വില വീണ്ടും ഉയരങ്ങളിലേയ്ക്ക്

സ്വര്‍ണ വിലയില്‍ ഇന്നലെ നേരിയ വിലക്കുറവ് രേഖപ്പെടുത്തിയിരുന്നെങ്കിലും ഇന്ന് വില വീണ്ടും കുതിച്ചുയർന്നു. പവന് 80 രൂപ കൂടി 23,240 രൂപയിലും ഗ്രാമിന് 2,905 രൂപയിലുമാണ് വ്യാപാരം പുരോഗമിക്കുന്നത്.

വെള്ളിയാഴ്ച പവന് 120 രൂപയാണ് കുറഞ്ഞിരുന്നത്. എന്നാൽ ഈ മാസം 13ന് ശേഷമുള്ള ഏറ്റവും താഴ്ന്ന നിരക്കായിരുന്നു ഇന്നലത്തേത്. പവന് 23, 160 രൂപയും ഗ്രാമിന് 2,895 രൂപയുമായിരുന്നു ഇന്നലത്തെ സ്വർണവില.

കഴിഞ്ഞ വര്‍ഷത്തെ അപേക്ഷിച്ച് സംസ്ഥാനത്ത് സ്വര്‍ണത്തിന് പൊതുവെ കൂടിയ വിലയാണിപ്പോഴുള്ളത്. ആഗോള വിപണിയിൽ സ്വർണ വിലയിലുണ്ടാകുന്ന മാറ്റങ്ങളാണ് ആഭ്യന്തര വിപണിയിലെയും വില മാറ്റത്തിന് കാരണം. ഏപ്രിൽ ആദ്യം മുതൽ വിലയിൽ ഉയ‍ർച്ചയാണ് രേഖപ്പെടുത്തുന്നത്.

ഏപ്രിലിലെ ഏറ്റവും കുറഞ്ഞ വില 22600 രൂപയാണ്. ഏപ്രിൽ ആദ്യ ആഴ്ച്ചയിലാണ് ഈ വിലയ്ക്ക് വ്യാപാരം നടന്നത്. പിന്നീട് വില കുതിച്ചുയരുകയായിരുന്നു. മാർച്ചിൽ ഏറ്റവും ഉയ‍‍ർന്ന വില 22,920 രൂപ ആയിരുന്നു. കുറഞ്ഞ വില 22440 രൂപയും.

malayalam.goodreturns.in