ജിഎസ്ടി വരുമാനം ഏപ്രില്‍ മാസത്തില്‍ 1 ലക്ഷം കോടി കവിഞ്ഞതായി ധനമന്ത്രാലയം. ആദ്യമായാണ് ജിഎസ്ടി വരുമാനം ഒരു ലക്ഷം കോടി കടക്കുന്നത്.

ഏപ്രില്‍ മാസത്തില്‍ 18,652 കോടി സെൻട്രൽ ജിഎസ്ടിയായും 25,704 കോടി സ്‌റ്റേറ്റ് ജിഎസ്ടിയുമായാണ് പിരിച്ചെടുത്തിരിക്കുന്നത്. 50,548 കോടി ഇന്റഗ്രേറ്റഡ് ജിഎസ്ടിയായും പിരിച്ചെടുത്തു.

സെസ് ഇനത്തില്‍ 8,554 കോടി രൂപയും ലഭിച്ചിട്ടുണ്ട്. ജി.എസ്.ടി നികുതി പിരിവ് റെക്കോര്‍ഡിലെത്തിക്കാന്‍ പ്രയത്‌നിച്ച എല്ലാവരെയും ധനമന്ത്രി അരുണ്‍ ജെയ്റ്റ്‌ലി അഭിന്ദിക്കുകയും ചെയ്തു.

ചരക്ക്, സേവന നികുതി നടപ്പാക്കിയ ആദ്യ വർഷം നികുതിയിനത്തിൽ 7.41 ലക്ഷം കോടി രൂപയാണ് സമാഹരിക്കാൻ കഴിഞ്ഞത്. 2017-2018 ൽ ഓഗസ്റ്റ് മുതൽ മാർച്ച് വരെ 7.19 ലക്ഷം കോടി രൂപയാണു നേടിയത്. മാർച്ചിലെ കണക്കുപ്രകാരം ജിഎസ്ടി സെസ് ഫണ്ടിൽ 20,000 കോടി രൂപയുണ്ട്. ഇത് സംസ്ഥാനങ്ങളുടെ നഷ്ടം നികത്താനാവും ഉപയോഗിക്കുക. കഴിഞ്ഞ സാമ്പത്തിക വർഷം എട്ടു മാസത്തിൽ 41,147 കോടി രൂപ നഷ്ടപരിഹാരമായി വിതരണം ചെയ്തിട്ടുണ്ട്.

malayalam.goodreturns.in