ജിയോയ്ക്ക് വെല്ലുവിളിയുമായി ബിഎസ്എന്‍എല്‍ ഏറ്റവും പുതിയ പ്ലാനുമായി രംഗത്ത്. 349 രൂപയുടെ റീച്ചാര്‍ജില്‍ പ്രതിദിനം ഒരു ജിബി ഡാറ്റ, പരിധിയില്ലാത്ത കോള്‍ സൗകര്യവും, പ്രതിദിനം 100 എസ്എംഎസുമാണ് ബിഎസ്എന്‍എല്‍ ഒരുക്കുന്നത്.

54 ദിവസമാണ് പ്ലാനിന്റെ കാലാവധി. രാജ്യത്തൊട്ടാകെ പ്ലാന്‍ ലഭ്യമാണ്. സമാന തുകയുള്ള ജിയോയുടെ പ്ലാനില്‍ പ്രതിദിനം 1.5 ജിബി ഡേറ്റയും പരിധിയില്ലാത്ത കോള്‍ സൗകര്യവും പ്രതിദിനം 100 എസ്.എം.എസുമാണ് സൗജന്യമായുള്ളത്. ഈ പ്ലാനിന്റെ കാലാവധി 70 ദിവസമാണ്.

അടുത്തിടെ ബിഎസ്എൻഎൽ ഫാമിലി ബ്രോഡ്ബാൻഡ് പാക്കേജും പുറത്തിറക്കിയിരുന്നു. ഒരു വീട്ടിലെ എല്ലാവർക്കും ഡേറ്റാ- കോൾ സേവനം ലഭ്യമാക്കുകയാണ് ഈ പദ്ധതിയുടെ ലക്ഷ്യം.

1199 രൂപയുടെ പാക്കേജിലാണ് അൺലിമിറ്റഡ് കോളും ഡേറ്റയും കിട്ടുക. ഇതിനൊപ്പം ഉപഭോക്താക്കൾക്ക് മൂന്ന് സിം കാർഡുകൾ കൂടി ലഭിക്കും. ഫ്രീ ഓണ്‍ലൈൻ ടിവി, ഒരു മാസത്തേക്ക് ഏതെങ്കിലും ഒരു വിഷയത്തിൽ സൗജന്യ ഓൺലൈൻ എജ്യുക്കേഷൻ പാക്കേജ് എന്നിവയും ഒരു സിമ്മിൽ നൽകും. സിം കാർഡുകളിൽ ദിവസം ഒരു ജിബി ഡേറ്റയാണു ലഭ്യമാവുക.

malayalam.goodreturns.in