ജൂലൈ മുതൽ ടിവി, ഫ്രിഡ്ജ്, എസി, വാഷിം​ഗ് മെഷീൻ എന്നിവയുടെ വിലയിൽ 10 മുതൽ 15 ശതമാനം വരെ വർദ്ധനവുണ്ടാകും. സാംസങ്, ഐഎഫ്ബി, എൽജി, സോണി, ഗോദ്റെജ് തുടങ്ങിയവ കമ്പനികളുടെ ഉൽപാദനച്ചെലവ് കൂടിയതോടെ നികുതി നിരക്ക് വർദ്ധിപ്പിക്കുന്നതാണ് വില കൂടാൻ കാരണം.

നിലവിലുള്ള വിലയേക്കാൾ 1,200 രൂപ മുതൽ 1,500 രൂപ വരെ വില ഉയരാനാണ് സാധ്യത. ‌28 ശതമാനമാണ് ഇലക്ട്രോണിക്സ് ഉപകരണങ്ങളുടെ നികുതി നിരക്ക്.

എയർകണ്ടീഷനറുകളുടെയും റഫ്രിജറേറ്ററുകളുടെയും വിൽപ്പന മാർച്ച്, ഏപ്രിൽ, മെയ് മാസങ്ങളിൽ വർദ്ധിച്ചിട്ടുണ്ട്. ടിവിയുടെ വില നേരത്തേ തന്നെ വര്‍ദ്ധിപ്പിക്കാന്‍ തീരുമാനിച്ചിരുന്നു.

കേന്ദ്രബജറ്റില്‍ കസ്റ്റംസ് നികുതി ഉയര്‍ത്തിയതിനെ തുടര്‍ന്നായിരുന്നു വിവിധ കമ്പനികളുടെ തീരുമാനം. രണ്ട് മുതല്‍ ഏഴ് ശതമാനം വരെ വില വര്‍ദ്ധിപ്പിക്കുമെന്നാണ് നേരത്തേ കമ്പനികൾ തീരുമാനിച്ചിരുന്നത്. ടിവി നിര്‍മ്മാണത്തിനാവശ്യമായ അസംസ്കൃത വസ്തുക്കളുടെ ഇറക്കുമതി നികുതി കഴിഞ്ഞ ബജറ്റിൽ ധനമന്ത്രി അരുണ്‍ ജയ്റ്റലി 15 ശതമാനമായി ഉയര്‍ത്തിയിരുന്നു. നേരത്തേ ഇത് 7.5 ശതമാനം മാത്രമായിരുന്നു.

malayalam.goodreturns.in