യു.എസ് ഡോളറിനെതിരായി വീണ്ടും രൂപയുടെ മൂല്യത്തില്‍ ഇടിവ്. ഇന്നലെ വ്യാപാരം അവസാനിപ്പിക്കുമ്പോള്‍ 67.16 എന്ന നിലയിലായിരുന്ന രൂപയുടെ മൂല്യം ഇന്ന് വ്യാപാരം തുടങ്ങിയതോടെ 10 പൈസ മൂല്യം ഇടിഞ്ഞ് 67.27 ല്‍ വ്യാപാരം തുടരുന്നു. ഫെബ്രുവരി എട്ടിനു ശേഷമുള്ള ഏറ്റവും താഴ്ന്ന നിരക്കാണിത്.

അന്താരാഷ്ട്ര വിപണിയില്‍ ക്രൂഡിന്‍റെ വില ഉയരുന്നതും, യു.എസ്. ബോണ്ടുകളില്‍ നിന്നുളള വരുമാന വര്‍ദ്ധനവുമാണ് രൂപയുടെ മൂല്യം ഇടിയുന്നതിനുളള കാരണങ്ങളായി സാമ്പത്തിക വിദഗ്ധര്‍ ചൂണ്ടിക്കാണിക്കുന്ന കാരണങ്ങള്‍. 15 മാസത്തെ ഏറ്റവും താഴ്ന്ന നിലയിലാണ് ഡോളറിനെതിരേ രൂപയുടെ ഇപ്പോഴത്തെ മൂല്യം.

രൂപയുടെ മൂല്യമിടിഞ്ഞതോടെ യു.എസ് ഡോളറിന്‍റെ പ്രസക്തിയും ആവശ്യകതയും ആഗോള വിപണിയില്‍ വലിയ തോതില്‍ വര്‍ദ്ധിക്കുകയാണ്. ഈ പ്രതിഭാസം മുന്നോട്ട് പോകുന്നത് രാജ്യത്തിന്‍റെ സാമ്പത്തിക കെട്ടുറപ്പിന് തന്നെ ഭീഷണിയാകുമെന്നാണ് വിദ​ഗ്ധരുടെ അഭിപ്രായം.

രൂപയുടെ മൂല്യം കുറയുന്നതോടെ ഇറക്കുമതിയുള്‍പ്പെടെ ചെലവേറിയതായി മാറും. എണ്ണ പോലുള്ള ഒഴിവാക്കാനാവാത്ത വസ്തുക്കളുടെ ഇറക്കുമതി തുടരുന്നത് ധനക്കമ്മി വര്‍ധിപ്പിക്കും. ചുരുക്കത്തില്‍ എണ്ണ ഇറക്കുമതി ചെലവേറിയതായി മാറുമ്പോള്‍ ഗതാഗതച്ചെലവും ഉയരുന്നതിനാല്‍ അനുബന്ധ സാധനങ്ങള്‍ക്കും വില ഉയര്‍ന്നേക്കും.

malayalam.goodreturns.in