ബിഎസ്എൻഎൽ പ്രീപെയ്ഡ് ഉപഭോക്താക്കൾക്ക് ഇതാ കിടിലൻ ഓഫർ. വെറും 39 രൂപയ്ക്ക് പത്ത് ദിവസത്തേക്ക് അണ്ലിമിറ്റഡ് കോള് ഓഫറാണ് ബിഎസ്എന്എൽ ഉപഭോക്താക്കൾക്ക് വാഗ്ദാനം ചെയ്തിരിക്കുന്നത്.
ഈ ഓഫർ അനുസരിച്ച് രാജ്യത്തെവിടെയുമുള്ള ബിഎസ്എന്എല് ഫോണുകളിലേക്ക് പരിധിയില്ലാതെ വിളിക്കാന് സാധിക്കും. ഇതോടൊപ്പം മറ്റു നെറ്റ്വര്ക്കുകളിലേക്ക് ദിവസം 200 മിനിറ്റും സൗജന്യമായി വിളിക്കാം.
ഡല്ഹി, മുംബൈ ഒഴികെയുള്ള എല്ലാ സര്ക്കിളുകളിലും റോമിങ്ങിലും ഈ സേവനം ലഭ്യമാകും. 10 ദിവസമാണ് ഓഫറിന്റെ കാലാവധി. നിലവിലുള്ള 39 രൂപയുടെ ഓഫര് പിന്വലിച്ച് ഈ മാസം 15 മുതല് ഓഫര് പ്രാബല്യത്തില് വരും. 118 രൂപയുടെ മറ്റൊരു ഓഫറില് 28 ദിവസത്തേക്ക് അണ് ലിമിറ്റഡ് കോള്, ദിവസം ഒരു ജിബി ഡേറ്റ, ഫ്രീ എസ്എംഎസ് എന്നിവയും ലഭ്യമാണ്.
ജിയോയ്ക്ക് വെല്ലുവിളിയായി 349 രൂപയുടെ റീച്ചാര്ജില് പ്രതിദിനം ഒരു ജിബി ഡാറ്റ, പരിധിയില്ലാത്ത കോള് സൗകര്യം, പ്രതിദിനം 100 എസ്എംഎസ് എന്നിവയടങ്ങുന്ന ഓഫറും കഴിഞ്ഞ ആഴ്ച്ച ബിഎസ്എൻഎൽ പുറത്തിറക്കിയിരുന്നു. 54 ദിവസമാണ് പ്ലാനിന്റെ കാലാവധി. രാജ്യത്തൊട്ടാകെ പ്ലാന് ലഭ്യമാണ്. കൂടാതെ ഒരു വീട്ടിലെ എല്ലാവർക്കും ഡേറ്റാ - കോൾ സേവനം ലഭ്യമാക്കുന്ന ബ്രോഡ്ബാൻഡ് പാക്കേജും കമ്പനി പുറത്തിറക്കിയിരുന്നു.
malayalam.goodreturns.in