വജ്ര വ്യവസായി നീരവ്​​ മോദി പ്രതിയായ പഞ്ചാബ്​ നാഷണൽ ബാങ്ക്​ തട്ടിപ്പ്​ കേസിൽ സിബിഐ കുറ്റപത്രം സമർപ്പിച്ചു. നീരവ് മോദിയുടെ ബന്ധു മെഹുൽ ചോക്​സി, പഞ്ചാബ്​ നാഷണൽ ബാങ്ക്​ മുൻ എം.ഡി ഉഷ അനന്തസുബ്രഹ്​മണ്യം എന്നിവർ കേസിൽ പ്രതിയാണ്​.

നിലവിൽ അലഹാബാദ്​ ബാങ്കി​​​ന്റെ എം.ഡിയാണ്​ ഉഷ. ഉഷ​യെ സിബിഐ നേരത്തെ ചോദ്യം ചെയ്​തിരുന്നു. ഇവരെ കൂടാതെ ബാങ്കി​​െൻറ എക്​സിക്യൂട്ടീവ്​ ഡയറക്​ടറായ കെ.വി ബ്രഹ്​മജി റാവു, സഞ്​ജീവ്​ സഹറൻ, നേഹാൽ അഹമ്മദ്​ എന്നിവരും കേസിൽ പ്രതികളാണ്​.

റിസർവ്​ ബാങ്കി​​​ന്റെ ചട്ടങ്ങൾ പാലിക്കാത്തതിനാണ്​ ഇവർക്കെതിരെ കേസെടുത്തിരിക്കുന്നത്​. നീരവ്​ മോദിക്കും മെഹുൽ ചോക്​സിക്കുമെതിരെ ​പ്രത്യേകം കുറ്റപത്രം ഇയാഴ്​ചയോടെ സിബിഐ സമർപ്പിക്കുമെന്നാണ്​ വിവരം.

പിഎൻബിയുടെ മുൻ ഡെപ്യൂട്ടി ജനറൽ മാനേജർ ഗോകുൽനാഥ്​ ഷെട്ടി, ഏകജാലകം ഒാപ്പറേറ്റർ മനോജ്​ കാരാട്ട്​, മോദിയുടെ കമ്പനി പ്രതിനിധി ഹേമന്ത്​ ഭട്ട്​, പിഎൻബി ഫോറെക്​സ് ജനറൽ മാനേജർ ബെച്ചു തിവാരി, യശ്വന്ത്​ ജോഷി, പ്രാഫുൽ സ്വന്ത്​ തുടങ്ങിയവരുടെ പേരുകളെല്ലാം കുറ്റപ്പത്രത്തിൽ ഉൾപ്പെട്ടിട്ടുണ്ടെന്നാണ്​ വിവരം. ഇവരെ കൂടാതെ നീരവ്​ മോദിയുടെയും മെഹുൽ ചോക്​സിയുടെയും കമ്പനിയിലെ ചില ജീവനക്കാരും കേസിൽ പ്രതിയാകും

malayalam.goodreturns.in