അസോസിയേഷന്‍ ഫോര്‍ ഡെമോക്രാറ്റിക് റിഫോമിന്റെ കണക്ക് അനുസരിച്ച്‌ ബിജെപിയുടെ വരുമാനത്തിൽ വൻ വർദ്ധനവ്. ബി.ജെ.പിയുടെ കഴിഞ്ഞ വര്‍ഷത്തെ മാത്രം വരുമാനം 1034 കോടി രൂപയാണ്.

ഒറ്റ വര്‍ഷം കൊണ്ട്‌ ആസ്തിയില്‍ 81% വര്‍ദ്ധനവാണ് ഉണ്ടായിരിക്കുന്നത്. എന്നാൽ കോണ്‍ഗ്രസിനാകട്ടെ ഏറ്റവും വലിയ ഇടിവാണ് സംഭവിച്ചിരിക്കുന്നത്. 2019 ലെ തിരഞ്ഞെടുപ്പിനാവശ്യമായ ഫണ്ട് പോലും സ്വരൂപിക്കാന്‍ കോണ്‍ഗ്രസ് വിയര്‍ക്കേണ്ടി വരുമെന്നാണ് സാമ്പത്തിക വിദഗ്ധരുടെ അഭിപ്രായം.

പൊതു തിരഞ്ഞെടുപ്പ് ലക്ഷ്യമാക്കിയുള്ള തയ്യാറെടുപ്പുകളും പ്രവര്‍ത്തനങ്ങളും രാജ്യത്തെ എല്ലാ പാര്‍ട്ടികളും തുടങ്ങി കഴിഞ്ഞു. കോര്‍പ്പറേറ്റുകള്‍ക്ക് ഇപ്പോള്‍ കോണ്‍ഗ്രസിനേക്കാള്‍ താല്‍പര്യം ബി.ജെ.പിയോടാണെന്നുള്ളതും കോൺഗ്രസിന് തിരിച്ചടിയാകും.

അശോക റോഡില്‍ ശതകോടികള്‍ ചെലവിട്ട് പണിത 1.70 ലക്ഷം ചതുരശ്ര അടിയുള്ള ബി.ജെ.പിയുടെ അത്യാധുനിക സംവിധാനങ്ങളോടു കൂടിയ പുതിയ ഹെഡ് ക്വാര്‍ട്ടേഴ്‌സ് പാർട്ടിയുടെ ഇപ്പോഴത്തെ സാമ്പത്തിക നിലയുടെ തെളിവാണ്. അതേസമയം അക്ബര്‍ റോഡിലുള്ള കോണ്‍ഗ്രസ് ആസ്ഥാനത്തിന്റെ അറ്റകുറ്റപണികള്‍ക്ക് പോലും പണമില്ലാത്ത അവസ്ഥയിലാണ്. ഇതേ കുറിച്ചുള്ള ചോദ്യങ്ങള്‍ക്ക് കോണ്‍ഗ്രസ്, ബിജെപി നേതാക്കൾ പ്രതികരിച്ചിട്ടില്ല.

malayalam.goodreturns.in