ആപ്പിന്റെ പ്രത്യേകതകൾ

താഴെ പറയുന്നവയാണ് കിംഭോ ആപ്പിന്റെ പ്രത്യേകതകൾ

• സ്വകാര്യ ഗ്രൂപ്പ് ചാറ്റുകൾ
• സൗജന്യ വോയ്സ്, വീഡിയോ കോളുകൾ
• ടെക്സ്റ്റ്, ശബ്ദ സന്ദേശങ്ങൾ
• വീഡിയോ, ജിഫ്, സ്റ്റിക്കറുകൾ 
• ലൊക്കേഷൻ



ആപ്പ് ഡൗൺലോ‍ഡ് ചെയ്യാം

ഗൂ​ഗിൾ പ്ലേ സ്റ്റോറിൽ നിന്ന് ആപ്പ് ഡൗൺലോ‍ഡ് ചെയ്യാവുന്നതാണ്. ആപ്പിന്റെ പ്രഖ്യാപനം നടന്ന ഉടൻ തന്നെ 10000ൽ അധികം ആളുകൾ ആപ്പ് ഡൗൺലോഡ് ചെയ്തു കഴിഞ്ഞു.



സ്വദേശി സമൃദ്ധി സിം കാ‍‍ർഡ്

മെയ് 27നാണ് ബാബാ രാംദേവ് പതഞ്ജലി-ബി.എസ്.എൻ.എൽ സ്വദേശി സമാധി സിം കാർഡുകൾ പുറത്തിറക്കിയത്. ആദ്യ ഘട്ടത്തിൽ പതഞ്‌ജലി ജീവനക്കാർക്ക് മാത്രമാണ് സിം നൽകുന്നത്. പൊതുജനങ്ങൾക്ക് സിം ലഭ്യമാകുമ്പോൾ പതഞ്‌ജലി ഉത്പന്നങ്ങൾക്ക് വിലയിൽ 10 ശതമാനം ഇളവും ലഭിക്കും. കാർഡുടമകൾക്ക് സൗജന്യ ഇൻഷുറൻസും ലഭ്യമാകും. 2.5 ലക്ഷം രൂപയുടെ മെഡിക്കൽ ഇൻഷുറൻസും അഞ്ചു ലക്ഷത്തിന്റെ ലൈഫ് ഇൻഷുറൻസുമാണ് ലഭിക്കുക.



ബിസിനസ് വളർച്ച

ബിസിനസിൽ കഴിഞ്ഞ വർഷങ്ങളിൽ വമ്പൻ വളർച്ചയാണ് പതഞ്ജലി നേടിയത്. 2016 -17 ൽ കമ്പനി 1193 കോടി രൂപയുടെ ലാഭം നേടി. വരുമാനം 87 ശതമാനം ഉയർന്ന് 10,562 കോടി രൂപയിലെത്തി. ഇലക്ട്രിക്ക് വാഹന നിർമ്മാണം, മൊബൈൽ ചിപ്പ്, സോളാർ പവർ നിർമ്മാണം എന്നീ മേഖലകളിലും പതഞ്ജലി ബിസിനസ് ആരംഭിക്കാൻ പദ്ധതിയിടുന്നുണ്ട്.