പ്രീപെയ്ഡ് ഉപയോക്താക്കള്‍ക്ക് റിലയന്‍സ് ജിയോയുടെ കിടിലൻ ഓഫർ. ഡിജിറ്റല്‍ പേമെന്റ് പോര്‍ട്ടലായ ഫോണ്‍ പേയുമായി ചേർന്നാണ് 'ഹോളിഡേ ഹംഗാമ' എന്ന ഓഫർ ജിയോ അവതരിപ്പിച്ചിരിക്കുന്നത്.

ഈ ഓഫര്‍ അനുസരിച്ച് 399 രൂപയ്ക്ക് റീച്ചാർജ് ചെയ്യുന്നവർക്ക് 100 രൂപ കാഷ്ബാക്ക് ലഭിക്കും. അതായത് 399 രൂപയുടെ പ്ലാനിന് വെറും 299 രൂപ മാത്രമേ ആകുകയുള്ളൂ. മൈജിയോ ആപ്പ് വഴി റീച്ചാര്‍ജ് ചെയ്യുന്നവർക്കാണ് ഈ ഓഫര്‍ ലഭിക്കുക.

50 രൂപ മൈജിയോ ആപ്പ് വഴിയും ബാക്കി 50 രൂപ ഫോണ്‍ പേ ആപ്പ് വഴിയുമാണ് ഉപഭോക്താക്കൾക്ക് തിരികെ ലഭിക്കുക. എന്നാൽ 50 രൂപയുടെ കാഷ്ബാക്ക് വൗച്ചര്‍ നിലവിലുള്ളവര്‍ക്ക് മാത്രമാണ് മൈ ജിയോ ആപ്പ് വഴി 50 രൂപയുടെ കാഷ്ബാക്ക് ലഭിക്കുക. കൂടാതെ ഫോണ്‍ പേ വഴിയും മറ്റൊരു പണമിടപാട് നടത്തുമ്പോഴാണ് 50 രൂപ ഉപഭോക്താക്കൾക്ക് തിരികെ ലഭിക്കുക.

399 രൂപയുടെ താരിഫ് പ്ലാനില്‍ പ്രതിദിനം 1.5 ജിബി ഡേറ്റയാണ് റിലയന്‍സ് ജിയോ നല്‍കുന്നത്. 84 ദിവസം വാലിഡിറ്റിയിലുള്ള ഈ പ്ലാനില്‍ ആകെ 126 ജിബി ഡേറ്റ ലഭിക്കും.

malayalam.goodreturns.in