ഗോ എയറിൽ മൺസൂൺ സെയ്ൽ ഓഫർ; ടിക്കറ്റുകൾ കുറഞ്ഞ നിരക്കിൽ

ബുക്കിംഗ് ആരംഭിച്ചു

മൺസൂൺ സെയ്ൽ ഓഫറുള്ള ടിക്കറ്റുകളുടെ ബുക്കിംഗ് ഇന്നലെ മുതൽ ആരംഭിച്ചു. മൂന്ന് ദിവസം മാത്രമാണ് ബുക്കിംഗിന് അവസരമുള്ളൂ. ജൂൺ 24 നും സെപ്തംബർ 30 നും ഇടയിലുള്ള യാത്രകൾക്കാണ് ഇത്തരത്തിൽ ടിക്കറ്റുകൾ ബുക്ക് ചെയ്യാവുന്നത്.

യാത്ര ചെയ്യാവുന്നത് എങ്ങോട്ട്?

1,299 രൂപയുടെ (നികുതികളും ഫീസും ഉൾപ്പെടുന്നു) ടിക്കറ്റിൽ ഗോ എയർ ആഭ്യന്തര സർവ്വീസുള്ള 23 മേഖലകളിൽ യാത്ര ചെയ്യാം. എന്നാൽ ഈ ഓഫറിൽ ബുക്ക് ചെയ്യുന്ന ടിക്കറ്റുകൾ ക്യാൻസൽ ചെയ്താൽ പണം തിരികെ ലഭിക്കില്ല.

ഗോ എയർ സർവ്വീസുള്ള സ്ഥലങ്ങൾ

• അഹമ്മദാബാദ്,
• ബാഗ്ദോഗ്ര
• ഭുവനേശ്വർ
• ബംഗളുരൂ
• ചണ്ഡീഗഢ്
• ചെന്നൈ
• ഡൽഹി
• ഗോവ
• ഗുവാഹത്തി
• ജയ്പൂർ
• ജമ്മു
• കൊച്ചി
• കൊൽക്കത്ത
• ലെ
• ലക്നൗ
• മുംബൈ
• നാഗ്പൂർ
• പാട്ന
• പോർട്ട് ബ്ലെയർ
• പൂനെ
• റാഞ്ചി
• ശ്രീനഗർ
• ഹൈദരാബാദ്



വിമാനക്കമ്പനികളുടെ മത്സരം

ജൂലായ് പാദത്തിൽ വിമാന യാത്രക്കാരുടെ എണ്ണം വളരെ കുറവായിരിക്കും. മിക്ക കമ്പനികൾക്കും ബിസിനസ് കുറയുന്ന കാലയളവാണിത്. അതുകൊണ്ട് വിമാനക്കമ്പനികൾ ഉപഭോക്താക്കളെ ആകർഷിക്കുന്നതിനായി നിരവധി ഓഫറുകളുമായി രംഗത്തെത്താൻ സാധ്യതയുണ്ട്.