ആമസോൺ ഇന്ത്യയുടെ അഞ്ചാം വാർഷികത്തോടനുബന്ധിച്ച് കിടിലൻ ക്യാഷ്ബാക്ക് ഓഫറുമായി കമ്പനി രംഗത്ത്. 1000 രൂപയ്ക്ക് മുകളിൽ സാധനങ്ങൾ വാങ്ങുന്നവർക്ക് 250 രൂപയാണ് ക്യാഷ്ബാക്ക് ലഭിക്കുക.
സിഇഒ ജെഫ് ബെസോസ് തന്നെയാണ് പുതിയ ഓഫറിനെക്കുറിച്ച് സൈറ്റിൽ കുറിച്ചിരിക്കുന്നത്. ആമസോൺ ഉപയോഗിക്കുന്ന ഇന്ത്യയിലെ ഉപഭോക്താക്കൾക്ക് ജെഫ് ബെസോസ് നന്ദിയും രേഖപ്പെടുത്തിയിട്ടുണ്ട്. 2013 ജൂണിലാണ് വാഷിങ്ടൺ ആസ്ഥാനമായ കമ്പനി ഇന്ത്യയിൽ പ്രവർത്തനം ആരംഭിക്കുന്നത്.
ആമസോൺ പേയിലൂടെ 1000 രൂപയ്ക്ക് മുകളിൽ ബിൽ പേയ്മെന്റ് നടത്തുന്നവർക്കാണ് 250 രൂപ കാഷ് ബാക്ക് ലഭിക്കുക. ക്യാഷ്ബാക്ക് തുക മൂന്ന് ദിവസത്തിനുള്ളിൽ ഉപഭോക്താക്കളുടെ അക്കൌണ്ടിൽ ക്രഡിറ്റാകും. കൂടാതെ ഒരു ഉപഭോക്താവിന് ഒരു തവണ മാത്രമേ ഈ ഓഫർ ലഭിക്കുകയുള്ളൂ.
ഓൺലൈൻ വിപണി ഇന്ത്യയിൽ വിജയമായതതോടെ ആമസോൺ പ്രൈം-പെയ്ഡ് സബ്സ്ക്രിപ്ഷൻ, ആമസോൺ പ്രൈം വീഡിയോ, അലെക്സാ വോയ്സ് അസിസ്റ്റന്റ്, ആമസോൺ മ്യൂസിക് എന്നീ സേവനങ്ങളും ഇന്ത്യയിൽ കൊണ്ടു വന്നിട്ടുണ്ട്. ഹിന്ദി, ഗുജറാത്തി, മറാഠി, മലയാളം, തമിഴ് തുടങ്ങിയ അഞ്ച് ഭാഷകളിലായി ഇ-ബുക്കുകൾ ലഭ്യമാക്കുന്ന കിൻഡിൽ ബുക്ക് സ്റ്റോറും ആമസോണിൽ ലഭ്യമാണ്. ഇതിന് മികച്ച പ്രതികരണമാണ് ഇന്ത്യയിൽ നിന്ന് ലഭിക്കുന്നതെന്നും ജെഫ് ബെസോസ് വ്യക്തമാക്കി.
malayalam.goodreturns.in