നാല് വർഷത്തിന് ശേഷം

നാല് വർഷത്തിന് ശേഷമാണ് റിസർവ് ബാങ്ക് പലിശ നിരക്ക് ഉയർത്തുന്നത്. 2014 ജ​നു​വ​രി​ക്കു​ ശേ​ഷം റി​സ​ർ​വ് ബാ​ങ്ക് പ​ലി​ശ നി​ര​ക്ക് വ​ർ​ദ്ധി​പ്പി​ച്ചി​രുന്നില്ല. കഴിഞ്ഞ ഏപ്രിലിൽ റിപ്പോ നിരക്ക് ആറു ശതമാനമായും റിവേഴ്സ് റിപ്പോ നിരക്ക് 5.75 ശതമാനവുമായിരുന്നു.

പലിശ നിരക്ക് ഉയരാൻ കാരണം

ക്രൂഡ് ഓയിൽ വിലയിലുണ്ടായ വർദ്ധനവ്, രൂപയുടെ മൂല്യത്തിലുള്ള ഇടിവ്, പണപ്പെരുപ്പത്തിലെ വർദ്ധനവ് എന്നിവയാണ് പലിശ നിരക്ക് ഉയരാൻ പ്രധാന കാരണം.

ബാങ്കുകൾ പലിശ നിരക്ക് ഉയർത്തി

റിസർവ് ബാങ്ക് റിപ്പോ, റിവേഴ്സ് റിപ്പോ നിരക്കുകൾ ഉയർത്തുന്നതിന് മുമ്പ് തന്നെ ബാങ്കുകൾ നിക്ഷേപ, വായ്പ പലിശ നിരക്കുകൾ ഉയർത്തിയിരുന്നു.

എന്താണ് റിപ്പോ നിരക്ക്?

റിപ്പോ നിരക്ക് വായ്പാ ഡിമാന്റ് കൂടുമ്പോള്‍ കയ്യില്‍ പണം ഇല്ലെങ്കില്‍ ആര്‍ബിഐ ബാങ്കുകള്‍ക്ക് കടം കൊടുക്കും. അതിനുള്ള പലിശ നിരക്കാണ് റിപ്പോ. റിപ്പോ നിരക്ക് കൂടി എന്നാല്‍ അതിനര്‍ത്ഥം സമ്പദ്‌വ്യവസ്ഥയിലേക്ക് പണം ഒഴുക്കാന്‍ റിസര്‍വ്വ് ബാങ്ക് ആഗ്രഹിക്കുന്നില്ലയെന്നാണ്.

എന്താണ് റിവേഴ്സ് റിപ്പോ

റിവേഴ്‌സ് റിപ്പോ വായ്പ നല്‍കാന്‍ അവസരമില്ലാതെ പണം ബാങ്കുകളുടെ കയ്യില്‍ കുമിഞ്ഞ് കൂടിയാല്‍ ആര്‍ബിഐ അത് നിക്ഷേപമായി സ്വീകരിക്കും. അതിന് ബാങ്കുകള്‍ക്ക് റിസര്‍വ് ബാങ്ക് നല്‍കുന്ന പലിശയാണ് റിവേഴ്‌സ് റിപ്പോ നിരക്ക്.