തുടക്കം വഡോദരയിൽ

വഡോദര റെയിൽവേ സ്റ്റേഷനിലാണ് പുതിയ പദ്ധതിയ്ക്ക് തുടക്കം കുറിച്ചിരിക്കുന്നത്. ഇത് വിജയകരമായാൽ മറ്റ് സ്റ്റേഷനുകളിലും പദ്ധതി നടപ്പിലാക്കും.

പേടിഎം ക്യാഷ്ബാക്ക്

പ്ലാസ്റ്റിക് മാലിന്യങ്ങൾ കുറയ്ക്കുന്നതിന്റെ ഭാ​ഗമാണ് ഇന്ത്യൻ റെയിൽവേയുടെ ഈ പദ്ധതി. ബോട്ടിലുകൾ ക്രഷറുകളിൽ നിക്ഷേപിക്കുന്ന യാത്രക്കാ‍‍ർക്ക് ഒരു ബോട്ടിലിന് 5 രൂപയാണ് ക്യാഷ് ബാക്ക് ലഭിക്കുക. ഇത് യാത്രക്കാരുടെ പേടിഎം വാലറ്റിൽ ലഭിക്കും. ഇതിനായി ബോട്ടിൽ നിക്ഷേപിച്ച ശേഷം നിങ്ങളുടെ മൊബൈൽ നമ്പ‍‍ർ മെഷീനിൽ നൽകണം.

ഇക്കോ ഫ്രണ്ട്ലി പ്ലേറ്റുകൾ

മലിനീകരണം തടയുന്നതിനായി മറ്റു ചില നടപടികളും റെയിൽവേ സ്വീകരിച്ചിട്ടുണ്ട്. ഭക്ഷണം വിതരണം ചെയ്യുന്നതിനായി ഇക്കോ ഫ്രണ്ട്ലി ഡിസ്പോസിബിൾ പ്ലേറ്റുകളാണ് ഇനി റെയിൽവേ ഉപയോ​ഗിക്കുക. ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപറേഷൻ ശതാബ്ദി, രാജധാനി എക്സ്പ്രസ് തുടങ്ങിയ എട്ടു ട്രെയിനുകളിൽ പരീക്ഷണാ‍ർത്ഥം പദ്ധതി നടപ്പിലാക്കി കഴിഞ്ഞു. പ്ലാസ്റ്റിക് മാലിന്യങ്ങൾ കുറയ്ക്കുക എന്നതാണ് റെയിൽവേയുടെ ഇത്തവണത്തെ പരിസ്ഥിതി ദിന പ്രതിജ്ഞ.