ആയുര്‍വേദാധിഷ്ഠിത ബിസിനസ് ആശയങ്ങള്‍

യുവ സംരംഭകരില്‍ നിന്ന് മികച്ച ആയുര്‍വേദാധിഷ്ഠിത ബിസിനസ് ആശയങ്ങള്‍ തേടുകയാണ് കോണ്‍ഫെഡറേഷന്‍ ഒഫ് ഇന്ത്യന്‍ ഇന്‍ഡസ്ട്രീസിന്റെ ലക്ഷ്യം. സിഐഐ ഒരുക്കുന്ന ആയുര്‍വേദ സ്റ്റാര്‍ട്ടപ്പ് കോണ്‍ക്‌ളേവിനോട് അനുബന്ധിച്ചാണ് ‘ആയുര്‍സ്റ്റാര്‍ട്ട് - 2018' എന്ന മത്സരമൊരുക്കുന്നത്.

അടിസ്ഥാന യോഗ്യത

മികച്ച ആശയങ്ങള്‍ സംരംഭകർക്ക് സമർപ്പിക്കാം. രാജ്യത്തെമ്പാടുമുള്ള കോളേജ് വിദ്യാർത്ഥികൾക്കും ചെറുപ്പക്കാരായ പ്രൊഫഷണലുകൾക്കും മത്സരത്തിൽ പങ്കെടുക്കാം. ബിരുദമാണ് മത്സരത്തില്‍ പങ്കെടുക്കാനുള്ള അടിസ്ഥാന യോഗ്യത.

ജൂലൈ 15

സംരംഭകർ ജൂലൈ 15ന് മുമ്പ് ഒരു പേജിൽ കവിയാത്ത പ്രൊജക്ട് സമ്മറി സമർപ്പിക്കണം. ഇതിൽ നിന്ന് തിരഞ്ഞെടുക്കപ്പെടുന്ന 30 ആശയങ്ങള്‍ യാഥാര്‍ത്ഥ്യമാക്കാനുള്ള സഹായങ്ങള്‍ സി.ഐ.ഐ ലഭ്യമാക്കും. സാമ്പത്തിക സഹായത്തിന് പുറമേ സാങ്കേതിക, ഇന്‍കുബേഷന്‍ സൗകര്യങ്ങളാണ് ലഭ്യമാക്കുക.

ആഗസ്റ്റ് 30

ഷോർട്ട് ലിസ്റ്റ് ചെയ്യപ്പെട്ട ടീമുകൾ ആഗസ്റ്റ് 30ന് മുമ്പ് പ്രൊജക്ട് ഐഡിയ പാനലിന് നൽകണം. 30 ടീമിൽ നിന്ന് തിരഞ്ഞെടുക്കപ്പെടുന്ന 10 ടീമുകൾക്കാണ് കോൺക്ലേവിൽ പങ്കെടുക്കാൻ അവസരം ലഭിക്കുക.

മികച്ച 10 ടീം

തിരഞ്ഞെടുക്കപ്പെടുന്ന മികച്ച 10 ടീമുകൾക്ക് ഇന്ത്യയിലെ തന്നെ മികച്ച സിഇഒമാരും സംരംഭകരുമായി സംവദിക്കാനുള്ള അവസരം ലഭിക്കും. കൂടാതെ ക്യാഷ് അവാർഡുകളും നൽകും. താത്പര്യമുള്ളവർക്ക് www.ciiayurstart.com എന്ന വെബ്സൈറ്റ് വഴി അപേക്ഷ സമർപ്പിക്കാം. 1000 രൂപയാണ് അപേക്ഷ സമർപ്പിക്കുന്നതിനുള്ള ഫീസ്.