ലുലു ഗ്രൂപ്പ് ചൈനയിലേക്കും പ്രവര്ത്തനം വ്യാപിപ്പിക്കുന്നു. ചൈനയിലെ യിവുവിലും മറ്റു നഗരങ്ങളിലുമാണ് ഹൈപ്പര്മാര്ക്കറ്റുകള് സ്ഥാപിക്കുക. 20 കോടി ഡോളറാണ് ഇതിനായി ലുലു ഗ്രൂപ്പ് മുതല് മുടക്കുന്നത്.
ഹൈപ്പര് മാര്ക്കറ്റ് സ്ഥാപിക്കുന്നതിനായി യിവുവില് 10 ഏക്കര് സ്ഥലമാണ് ലുലു ഗ്രൂപ്പ് പാട്ടത്തിന് എടുത്തത്. ചൈനയിലെ ഷീ ജിയാങ് പ്രവിശ്യയിലെ യിവുവില് ചൈനീസ് കമ്യൂണിസ്റ്റ് പാര്ട്ടി യിവു സിറ്റി സെക്രട്ടറി ലിന് യി, ലുലു ഗ്രൂപ്പ് ചെയര്മാന് എം.എ.യൂസഫലി എന്നിവര് ഇതു സംബന്ധിച്ച ധാരണാപത്രത്തില് ഒപ്പിട്ടു.
ഇന്ഡൊനീഷ്യ, മലേഷ്യ എന്നിവിടങ്ങളില് ഇപ്പോള് സാന്നിധ്യമുള്ള ലുലു ചൈനയിലേക്കും പ്രവര്ത്തനം വ്യാപിപ്പിക്കുന്നതുമായി ബന്ധപ്പെട്ട് ധാരണാപത്രം ഒപ്പിട്ടതില് സന്തോഷമുണ്ടെന്ന് എം.എ. യൂസഫലി പറഞ്ഞു. ഹൈപ്പര്മാര്ക്കറ്റുകളും മറ്റും ആരംഭിക്കുന്നതിനുള്ള സാധ്യതാപഠനത്തിനായി ലുലുവിന്റെ ഉന്നതതലസംഘം അടുത്തുതന്നെ ചൈനയിലെത്തി സര്ക്കാരുമായി കൂടിയാലോചിച്ച് തുടര്നടപടികള് തീരുമാനിക്കുമെന്ന് അദ്ദേഹം അറിയിച്ചു.
ചൈനയില്നിന്നുള്ള ലുലുവിന്റെ വാര്ഷികവ്യാപാരം ഇപ്പോഴുള്ള 20 കോടി ഡോളറില് നിന്ന് 30 കോടി ഡോളറാക്കി വര്ദ്ധിപ്പിക്കും. സര്ക്കാര് തലത്തിലുള്ള എല്ലാ സഹായ സഹകരണങ്ങളും ചൈനീസ് അധികൃതര് വാഗ്ദാനം ചെയ്തിട്ടുണ്ടെന്നും അദ്ദേഹം പറഞ്ഞു.
malayalm.goodreturns.in