ഇൻഡി​ഗോ വിമാനത്തിൽ അധിക ല​ഗേജുമായി യാത്ര ചെയ്യണമെങ്കിൽ ഇനി അധിക ചാ‍ർജ് നൽകണം. നിലവിൽ 15 കിലോ ഗ്രാം ബാഗേജ്​ ഇൻഡിഗോയിൽ സൗജന്യമായി അനുവദനീയമാണ്​. എന്നാൽ ഇതിന്​ ശേഷം വരുന്ന അധിക ബാ​ഗേജിനുള്ള നിരക്കാണ്​ കമ്പനി ഇപ്പോൾ ഉയർത്തിയിരിക്കുന്നത്​.

ഏകദേശം 33 ശതമാനം ശതമാനം വർദ്ധനവാണ്​ നിരക്കുകളിൽ കമ്പനി വരുത്തിയിരിക്കുന്നത്​. അധികമായി വരുന്ന 5,10,15,30 കിലോ ഗ്രാം ബാഗേജിന്​ യഥാക്രമം 1,900, 3,800, 5,700,11,400 രൂപയാണ്​ പുതിയ നിരക്ക്​.

ഇതോടെ അധികമായി വരുന്ന ഒാരോ കിലോ ഗ്രാം ബാഗേജിനും ഏകദേശം 400 രൂപയാണ് യാത്രികർ അധികമായി നൽകേണ്ടി വരിക. മുമ്പ്​ അധിക ബാഗേജിന്​ 1425, 2850, 4275, 8550 രൂപ എന്നിങ്ങനെയായിരുന്നു നിരക്ക്​.

യാത്രയ്ക്കിടെ വിമാനം വൈകുകയോ ലഗേജ് നഷ്ടപ്പെടുകയോ ചെയ്താല്‍ നഷ്ടപരിഹാരം ഉറപ്പാക്കുന്ന പുതിയ ചട്ടങ്ങള്‍ക്ക് കേന്ദ്ര വ്യോമയാന മന്ത്രാലയം അടുത്തിടെ രൂപം നല്‍കിയിരുന്നു. ലഗേജുകള്‍ നഷ്ടപ്പെടുകയാണെങ്കില്‍ 3000 രൂപയാണ് യാത്രക്കാരന് നഷ്ടപരിഹാരം ലഭിക്കുക. വിമാനം വൈകിയാല്‍ ഒരോ കിലോഗ്രാമിനും 1000 രൂപ വീതം നല്‍കണം. ലഗേജിന് തകരാറ് സംഭവിച്ചാലും 1000 രൂപ നഷ്ടപരിഹാരമാണ് നിര്‍ദ്ദേശിച്ചിരിക്കുന്നത്.

malayalam.goodreturns.in