സ്വകാര്യ ടെലികോം കമ്പനികളുമായുള്ള മത്സരത്തിന്റെ ഭാ​ഗമായി പുത്തൻ ഓഫറുകളുമായി ബിഎസ്എൻഎൽ വീണ്ടും രം​ഗത്ത്. 491 രൂപയ്ക്ക് ദിവസവും 20 ജിബി ഡേറ്റാ ലഭിക്കുന്ന പ്ലാനാണ് ബിഎസ്എൻഎൽ ഇത്തവണ അവതരിപ്പിച്ചിരിക്കുന്നത്.

ഒരു മാസമാണ് പ്ലാനിന്റെ കാലാവാധി. ഒരു മാസ കാലാവധിയിൽ ഇന്ത്യയില്‍ അവതരിപ്പിച്ച ബ്രോഡ്ബാന്‍ഡ് പ്ലാനുകളില്‍ ഏറ്റവും ലാഭകരമായത് എന്നാണ് ബിഎസ്എന്‍എല്‍ ഈ പ്ലാനിനെക്കുറിച്ച് പറഞ്ഞിരിക്കുന്നത്.

ഈ പ്ലാന്‍ പ്രകാരം ഒരു മാസത്തേക്ക് 491 രൂപ മുടക്കിയാല്‍ ദിവസവും 20 ജിബി ഡാറ്റയാണ് നിങ്ങള്‍ക്ക് ലഭിക്കുക. അതും 20 എംബിപിഎസ് വേഗതയില്‍. ഒപ്പം പരിധികളില്ലാത്ത കോളുകളും ഈ പ്ലാനിനൊപ്പം ലഭിക്കും.

വ്യക്തികള്‍ക്കും അതേപോലെ ചെറുകിട സ്ഥാപനങ്ങള്‍ക്കുമെല്ലാം ഏറെ ഉപകാരപ്രദമാകും ഈ പ്ലാന്‍ എന്ന് ബിഎസ്എന്‍എല്‍ ബോര്‍ഡ് മെമ്പര്‍ ആയ എന്‍.കെ മെഹ്ത പറഞ്ഞു. കസ്റ്റമര്‍ സര്‍വീസ് സെന്ററുകള്‍, ഫ്രാഞ്ചെസികള്‍, റീറ്റെയ്ല്‍ ഷോപ്പുകള്‍ തുടങ്ങിയവ വഴി ഈ പ്ലാന്‍ ഉപഭോക്താക്കള്‍ക്ക് നേടാൻ സാധിക്കും. റിലയൻസ് ജിയോയുടെ വരവോടെയാണ് ബിഎസ്എൻഎല്ലും മറ്റ് സ്വകാര്യ ടെലികോം കമ്പനികളും കൂടുതൽ ഡേറ്റാ, കോൾ ഓഫറുകൾ നൽകാൻ തുടങ്ങിയത്.

malayalam.goodreturns.in