പ്രൈം ഡേ സെയ്ൽ

കഴിഞ്ഞ മൂന്നു വർഷമായി ആമസോൺ നടത്തി വരുന്ന ഒന്നാണ് പ്രൈം ഡേ സെയ്ൽ. കഴിഞ്ഞ വർഷവും ഇത് വൻ വിജയമായിരുന്നു. ബിഗ് ഷോപ്പിംഗ് ഡേയ്‌സ് സെയില്‍ എന്നാണ് ഇത്തവണ മേളയ്ക്ക് പേരിട്ടിരിക്കുന്നത്. ആമസോണ്‍ ലോഞ്ച് പാഡ് തെരഞ്ഞെടുത്ത 18 സ്റ്റാര്‍ട്ടപ്പുകളുടെ 25 നൂതന ഉത്പ്പന്നങ്ങള്‍ പ്രൈ ഡേയില്‍ ലഭ്യമാണ്.

ഫ്‌ളിപ്പ്കാര്‍ട്ടിലെ ആദായ വില്പന

വൈകീട്ട് നാല് മണി മുതലാണ് ഫ്‌ളിപ്പ്കാര്‍ട്ടില്‍ ആദായ വില്പന ആരംഭിക്കുന്നത്. ഗൃഹോപകരണങ്ങള്‍,വീട്ടുപകരണങ്ങൾ, കുട്ടികളുടെ കളിപ്പാട്ടങ്ങൾ തുടങ്ങി ഗുണമേന്മയുള്ള നിരവധി ഉത്പ്പന്നങ്ങള്‍ ഓഫര്‍ വിലയില്‍ ഫ്‌ളിപ്പ്കാര്‍ട്ടില്‍ നിന്നും വാങ്ങാം.

സ്മാർട്ട് ഫോണുകൾ വാങ്ങാൻ ലാഭം

മിക്കവാറും എല്ലാ സ്മാര്‍ട് ഫോണുകള്‍ക്കും പ്രൈം ഡേ സെയിലിൽ എക്‌സ്‌ചേയ്ഞ്ച് ഓഫറും ബൈ ബാക്ക് ഗാരന്റിയും വാഗ്ദാനം ചെയ്യുമെന്നാണ് സൂചന. സാംസങ്, ഗൂഗിള്‍, വിവോ തുടങ്ങിയ കമ്പനികളുടെ സ്മാര്‍ട്ട് ഫോണുകളാകും ഫ്ലിപ്കാർട്ട് സെയിലിന്റെ മുഖ്യ ആകർഷണം.

സമയം കൂട്ടി

ആമസോണിൽ കഴിഞ്ഞ വർഷത്തേത് 30 മണിക്കൂർ നീണ്ട് നിന്ന ഓഫർ സെയ്ൽ ആയിരുന്നു. എന്നാൽ ഈ വർഷം 36 മണിക്കൂർ ഡിസ്കൌണ്ട് സെയ്ൽ ആണ് കമ്പനി പ്രഖ്യാപിച്ചിരിക്കുന്നത്.

ആമസോൺ പ്രൈം ഉപഭോക്താക്കൾക്ക് മാത്രം

പ്രൈം ഡേ സെയ്ൽ ഓഫർ മറ്റ് ഓഫറുകൾ പോലെ എല്ലാവർക്കും ലഭിക്കില്ല. പ്രൈം ഉപഭോക്താക്കൾക്ക് മാത്രമാണ് ഈ ഓഫർ ലഭിക്കുക. വിൽപ്പന സമയത്ത് പ്രൈം ഉപഭോക്താക്കൾക്ക് ആമസോണിന്റെ മികച്ച ഡീലുകൾ തന്നെ പ്രതീക്ഷിക്കാം.