ജെറ്റ് എയര്‍വെയ്സിന്റെ ആഭ്യന്തര, അന്താരാഷ്ട്ര സർവ്വീസ് പ്രീമിയര്‍, ഇക്കണോമി ക്ലാസ് ടിക്കറ്റുകൾക്ക് 30 ശതമാനം വരെ ‍ഡിസ്കൗണ്ട്. ജൂലൈ 23 വരെ ഓഫ‍ർ നിരക്കിൽ ടിക്കറ്റുകൾ ലഭിക്കുന്നതാണ്.

ഇരുപത് നഗരങ്ങളിലേക്കുള്ള യാത്രകള്‍ക്കും കോഡ് ഷെയര്‍ പങ്കാളിത്വത്തോടെ സര്‍വീസ് നടത്തുന്ന സ്ഥലങ്ങളിലേക്കുള്ള യാത്രകള്‍ക്കും ഈ ഡിസ്‌കൗണ്ട് ലഭ്യമാകും. ആംസ്റ്റര്‍ഡാം, പാരീസ്, ലണ്ടന്‍ തുടങ്ങിയവയ്ക്കു പുറമേ മാഞ്ചസ്റ്റര്‍, സൂറിച്ച്, ഫ്രാങ്ക്ഫര്‍ട്ട്, പ്രേഗ്, ജനീവ, റോം, ടൊറന്റോ, നോര്‍ത്ത് അമേരിക്ക, അബുദാബി, ഷാര്‍ജ, ബഹ്‌റിന്‍, ദോഹ, ദമാം, ജിദ്ദ, റിയാദ്, കുവൈറ്റ്, മസ്‌കറ്റ്, കൊളംബോ, ധാക്കാ, കാഡ്മണ്ഠു, ബാങ്കോക്ക്, സിംഗപ്പൂര്‍, ഹോങ്കോംഗ് തുടങ്ങിയ നഗരങ്ങളിലേക്കുള്ള ടിക്കറ്റാണ് ഓഫ‍ർ നിരക്കിൽ ലഭിക്കുക.

ജെറ്റ് എയർവെയ്സിന്റെ തിരഞ്ഞെടുത്ത ആഭ്യന്തര വിമാനങ്ങളിൽ എക്കണോമി ക്ലാസ് ടിക്കറ്റുകൾക്ക് 25 ശതമാനം വരെ കുറവാണുള്ളത്. എന്നാൽ ഓഫ‍ർ നിരക്കിൽ ലഭ്യമാകുന്ന സീറ്റുകളുടെ എണ്ണം കമ്പനി വ്യക്തമാക്കിയിട്ടില്ല.

ഒരു വശത്തേയ്ക്കുള്ള യാത്രയ്ക്കു മാത്രമായോ റിട്ടേണ്‍ യാത്രയ്ക്കു കൂടിയോ ഈ നിരക്കിൽ ടിക്കറ്റ് ബുക്ക് ചെയ്യാം. ആഭ്യന്തര വിമാന ടിക്കറ്റിന് എയർ ഏഷ്യയും കഴിഞ്ഞ ദിവസം 30 ശതമാനം ഇളവ് പ്രഖ്യാപിച്ചിരുന്നു.

malayalam.goodreturns.in