വില കുറയുന്ന പ്രധാന സാധനങ്ങൾ

താഴെ പറയുന്ന സാധനങ്ങളുടെ നികുതി 28 ശതമാനത്തിൽ നിന്ന് 18 ശതമാനമായി കുറയും.

• ടിവി
• വാഷിംഗ്‌മെഷീന്‍
• റഫ്രിജറേറ്റര്‍ 
• വാക്വം ക്ലീനര്‍
• മിക്സി
• വാട്ട‍ർ ഹീറ്റ‍ർ
• വാട്ട‍ർ കൂള‍ർ
• പെ‍ർഫ്യൂം
• പെയിന്റെ
• വാ‍ർണിഷ്
• ഇനാമല്‍
• സുഗന്ധ ദ്രവ്യങ്ങള്‍
• തുകല്‍ ഉത്പന്നങ്ങള്‍
• മണ്ണെണ്ണ് പ്രഷര്‍ സ്റ്റവ് 
• ഗ്ലാസ് പ്രതിമകള്‍



നികുതിയിൽ നിന്ന് ഒഴിവാക്കിയവ

സാനിറ്ററി പാഡുകൾ, കല്ലുകൾ, മാർബിൾ, മരങ്ങൾ എന്നിവ കൊണ്ടുണ്ടാക്കിയ ദൈവങ്ങളുടെ രൂപങ്ങൾ എന്നിവ നികുതിയിൽ നിന്ന് പൂ‍ർണമായും ഒഴിവാക്കി. നാപ്കിനുകള്‍ക്കു മേല്‍ ജിഎസ്ടി ചുമത്തിയ നടപടികള്‍ക്കെതിരേ വ്യാപക പ്രതിഷേധങ്ങള്‍ ഉയര്‍ന്നതിന് പിറകെയാണ് സാനിറ്ററി നാപ്കിനുകളെ ജിഎസ്ടി പരിധിയില്‍ നിന്നും ഒഴിവാക്കിയത്.



ജൂലൈ 27 മുതൽ

പുതുക്കിയ നിരക്കുകൾ ജൂലൈ 27 മുതൽ പ്രാബല്യത്തില്‍ വരും. ഉത്പന്നങ്ങളുടെ ജിഎസ്ടി നിരക്കുകള്‍ കുറച്ചതോടെ കേന്ദ്ര സര്‍ക്കാരിന് 7,000 കോടിയുടെ നഷ്ടമുണ്ടാകും എന്ന് ജിഎസ്ടി കൗണ്‍സില്‍ വ്യക്തമാക്കി.



കേരളത്തിന് എതിർപ്പ്

ഗൃഹോപകരണങ്ങളുടെ ജിഎസ്ടി കുറച്ചതിനെ ശക്തമായി എതിര്‍ത്ത് കേരളം. കുറയ്ക്കേണ്ടത് അവശ്യവസ്തുക്കളുടെ നികുതിയാണെന്ന് ധനമന്ത്രി തോമസ് ഐസക്ക് വ്യക്തമാക്കി. തീരുമാനം മൂലം കേരളത്തിന് പ്രതിവര്‍ഷം 500 കോടി രൂപയുടെ നഷ്ടമുണ്ടാകുമെന്നും പ്രശ്നം അടുത്ത ജിഎസ്ടി കൗൺസിൽ മീറ്റിം​ഗിൽ ഉന്നയിക്കുമെന്നും അദ്ദേഹം പറഞ്ഞു.



റിട്ടേൺ സമർപ്പിക്കൽ

അഞ്ച് കോടി വരെ വിറ്റുവരവുള്ള വ്യാപാരികള്‍ക്ക് മൂന്ന് മാസത്തില്‍ ഒരിക്കല്‍ ജിഎസ്ടി റിട്ടേണ്‍ സമര്‍പ്പിച്ചാല്‍ മതിയെന്നും കഴിഞ്ഞ ദിവസം ചേർന്ന യോഗത്തില്‍ കൗണ്‍സില്‍ അറിയിച്ചു.



അടുത്ത മീറ്റിംഗ് ആഗസ്റ്റ് 4ന്

ചെറുകിട കച്ചവടക്കാരും വ്യവസായികളും സംരംഭകരും നേരിടുന്ന പ്രശ്നങ്ങളെക്കുറിച്ച് ചർച്ച ചെയ്യാൻ ആഗസ്റ്റ് 4 ന് ജി.എസ്.ടി കൗൺസിൽ യോഗം വീണ്ടും ചേരും. എംഎസ്എംഇ മേഖലയിൽ കൂടുതൽ ശ്രദ്ധ കേന്ദ്രീകരിക്കാനാണ് ഈ മീറ്റിംഗ് വഴി ലക്ഷ്യമിടുന്നത്.