മൺസൂൺ സീസണിനോടനുബന്ധിച്ച് ആഭ്യന്തര, അന്തർദേശീയ യാത്രകൾക്കുള്ള ഓഫറുകളുമായി വിമാന കമ്പനികൾ രംഗത്ത്. ലാസ്റ്റ് മിനിറ്റ് ഡീൽ എന്ന 1,399 രൂപയുടെ ഓഫറുമായി എയർ ഏഷ്യയാണ് ഏറ്റവും ഒടുവിൽ രംഗത്തെത്തിയിരിക്കുന്നത്.
ബുക്കിംഗ് ആരംഭിച്ചു
ഓഫർ നിരക്കിലുള്ള ടിക്കറ്റ് വിൽപ്പന കമ്പനി ആരംഭിച്ചു കഴിഞ്ഞു. ജൂലൈ 29 വരെ ടിക്കറ്റുകൾ ഇതേ നിരക്കിൽ ലഭിക്കും. 2018 ഒക്ടോബർ 31 വരെയുള്ള യാത്രകൾക്കാണ് ഈ നിരക്ക് ബാധകമാകുന്നത്.
ആഭ്യന്തര റൂട്ടുകൾ
താഴെ പറയുന്ന ആഭ്യന്തര റൂട്ടുകളിലേയ്ക്കുള്ള ടിക്കറ്റുകളാണ് ലാസ്റ്റ് മിനിറ്റ് ഡീൽ വഴി ലഭിക്കുക.
- ബാംഗ്ലൂർ
- ന്യൂഡൽഹി
- റാഞ്ചി
- ജയ്പുർ
- പുനെ
- കൊച്ചി
റീഫണ്ട് ചെയ്യാൻ സാധിക്കില്ല
ടിക്കറ്റ് ബുക്ക് ചെയ്യാൻ ക്രെഡിറ്റ്, ഡെബിറ്റ് കാർഡുകൾ ഉപയോഗിക്കാം. എന്നാൽ ബുക്ക് ചെയ്ത ടിക്കറ്റ് ക്യാൻസൽ ചെയ്താൽ പണം റീഫണ്ട് ചെയ്യാൻ സാധിക്കില്ല. പരിമിത സീറ്റുകൾക്ക മാത്രമാണ് ഓഫർ നൽകിയിട്ടുള്ളത്. അവ എല്ലാ ഫ്ലൈറ്റുകളിലും ലഭ്യമാകണമെന്നുമില്ല.
പുതിയ സർവ്വീസ്
എയർ ഏഷ്യ ഇന്ത്യ ബംഗളൂരു - അമൃത്സർ റൂട്ടിൽ പുതിയ സർവീസും ആരംഭിക്കുകയാണ്. പുതിയ റൂട്ടിലേയ്ക്കുള്ള എയർ ഏഷ്യ സർവീസ് ജൂലൈ 26 മുതൽ തുടങ്ങും.
malayalam.goodreturns.in