ഒന്നാം സ്ഥാനം

ഇൻസ്റ്റഗ്രാം സഹസ്ഥാപകനും സിഇഒയുമായ കെവിൻ സിസ്ട്രോം, ഫെയ്സ്ബുക്ക് സ്ഥാപകൻ മാർക്ക് സക്കർബർഗ് എന്നിവരാണ് പട്ടികയിൽ ഒന്നാം സ്ഥാനത്ത്. ഇരുവർക്കും 34 വയസ്സാണ് പ്രായം. പട്ടികയിൽ ഉൾപ്പെട്ട ഇന്ത്യക്കാരായ നാല് പേർ താഴെ പറയുന്നവരാണ്.

ദിവ്യ സൂര്യദേവര

അമേരിക്കയിലെ ഏറ്റവും വലിയ വാഹന നിർമ്മാതാക്കളായ ജനറൽ മോട്ടോഴ്സിന്റെ ചീഫ് ഫിനാൻസ് ഓഫീസറാണ് ഇന്ത്യക്കാരിയായ ദിവ്യ സൂര്യദേവര. 39കാരിയായ ദിവ്യ പട്ടികയിൽ നാലാം സ്ഥാനത്താണുള്ളത്. ജനറൽ മോട്ടോഴ്സിന്റെ ആദ്യ വനിതാ സിഎഫ്ഒ ആണ് ദിവ്യ.

അഞ്ജലി സുധ്

വീഡിയോ ഷെയറിംഗ് വെബ്സൈറ്റായ വിമിയോയുടെ സിഇഒ ആണ് അഞ്ജലി സുധ്. 34 വയസുള്ള സുധ പട്ടികയിൽ 14-ാം സ്ഥാനത്താണ്. 2014ൽ കമ്പനിയുടെ മാർക്കറ്റിംഗ് മേധാവിയായിരുന്ന സുധ് ഇപ്പോൾ സി.ഇ.ഒ ആണ്.

ബൈജു ബട്ട്

ഫിനാൻഷ്യൽ സർവീസ് കമ്പനിയായ റോബിൻഹുഡിന്റെ സഹസ്ഥാപകനാണ് ബൈജു ബട്ട്. 33കാരനായ ഇദ്ദേഹം ഫോർച്യൂൻ പട്ടികയിൽ 24-ാം സ്ഥാനത്താണ്. പട്ടികയിൽ ഉൾപ്പെട്ട ഇന്ത്യക്കാരിൽ മറ്റ് മൂന്ന് പേരും സ്ത്രീകളാണ്.

അനു ദുഗ്ഗൽ

അനു ദുഗ്ഗൽ 2014ൽ ആണ് ഫീമെയിൽ ഫൗണ്ടേഴ്സ് ഫണ്ട് എന്ന സ്ഥാപനം ആരംഭിക്കുന്നത്. 39കാരിയായ അനു ദുഗ്ഗൽ പട്ടികയിൽ 32-ാം സ്ഥാനത്താണ് ഉള്ളത്. ഈ വർഷം മേയ് മാസം വരെയുള്ള കണക്കനുസരിച്ച് ഇവർ അഞ്ചു മില്യൺ ഡോളർ വരുമാനമുണ്ടാക്കിയിട്ടുണ്ട്.