ബാ​ങ്ക്​ വാ​യ്​​പ തട്ടിപ്പ് നടത്തി രാജ്യം വിട്ട വി​വാ​ദ മ​ദ്യ​വ്യ​വ​സാ​യി വി​ജ​യ്​ മ​ല്യ​ തിരിച്ചു വരവിനൊരുങ്ങുന്നതായി റിപ്പോർട്ട്. തിരിച്ചെത്താൻ തയാറെന്ന് എൻഫോഴ്സ്മെന്‍റ് ഡയറക്ടറേറ്റിനെ മല്യ അറിയിച്ചുവെന്നാണ് ചില ദേശീയ മാധ്യമങ്ങൾ റിപ്പോർട്ട് ചെയ്തിരിക്കുന്നത്.

മല്യയുടെ സ്വത്തിനെ കുറിച്ച്​ അന്വേഷണം നടത്താനും കണ്ടുകെട്ടാനും ബ്രിട്ടീഷ് ഹൈക്കോടത് ബാങ്കുകൾക്ക്​ അനുമതി നൽകിയിരുന്നു. ഇതേ തുടർന്ന് യു.കെ അധികാരികളുമായി സഹകരിച്ച്​ മല്യയുടെ പരമാവധി ആസ്​തികൾ കണ്ടുകെട്ടാനുള്ള ശ്രമം ബാങ്കുകൾ ആരംഭിക്കുകയും ചെയ്തു.

ഇതിന് പിന്നാലെയാണ് തിരിച്ചു വരാൻ തയാറെന്ന് മല്യ അറി‍യിച്ചത്. ലോക വ്യാപകമായുള്ള മല്യയുടെ ആസ്​തികളെല്ലാം മരവിപ്പിക്കുന്ന വിധിയായിരുന്നു യു.കെ എൻഫോഴ്​സ്​മെന്‍റ് പുറപ്പെടുവിച്ചത്. ഇന്ത്യയിലെ ബാങ്കുകളെല്ലാം അവർക്ക്​ ലഭിക്കാനുള്ള മുഴുവൻ തുകയും വീണ്ടെടുക്കാനുള്ള ശ്രമത്തിലാണ്​. ഇതിനായി പ്രത്യേക ഉദ്യോഗസ്ഥരെയും ബാങ്കുകൾ നിയമിച്ചിട്ടുണ്ട്​.

കോ​ടി​ക​ൾ വാ​യ്പ​യെ​ടു​ത്തു മു​ങ്ങി​യ മ​ല്യ​യ്ക്കെ​തി​രേ വി​ദേ​ശ​നാ​ണ്യ വി​നി​മ​യ​ച്ച​ട്ട​പ്ര​കാ​ര​മാ​ണ് കേ​സെ​ടു​ത്തി​രി​ക്കു​ന്ന​ത്. 17 ബാ​ങ്കു​ക​ളി​ൽ​ നി​ന്നു​ള്ള 7000 കോ​ടി രൂ​പ വാ​യ്പ​യും പ​ലി​ശ​യു​മ​ട​ക്കം 9000 കോ​ടി രൂ​പ തി​രി​ച്ച​ട​യ്ക്കാ​തെ ബ്രി​ട്ട​നി​ലേ​ക്കു ക​ട​ന്ന കേ​സി​ൽ 2016 ജൂ​ണി​ൽ മ​ല്യ​യെ പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ച്ചി​രു​ന്നു. കിം​ഗ് ഫി​ഷ​ർ എ​യ​ർ​ലൈ​ൻ​സി​ന് വേ​ണ്ടി​യാ​ണ് മ​ല്യ വ​ൻ​തു​ക​ ബാ​ങ്കി​ൽ നി​ന്നും വാ​യ്പ​യാ​യി വാ​ങ്ങി​യ​ത്. വ​ൻ മു​ത​ൽ മു​ട​ക്കി​ൽ തു​ട​ങ്ങി​യ കിം​ഗ് ഫി​ഷ​ർ എ​യ​ർ​ലൈ​ൻ​സ് ന​ഷ്ട​ത്തി​ലാ​യ​തോ​ടെ കമ്പനി അ​ട​ച്ചു​പൂ​ട്ടു​ക​യാ​യി​രു​ന്നു.

malayalam.goodreturns.in