ഓഹരി സൂചികകള്‍ ഇന്ന് കനത്ത നഷ്ടത്തില്‍ ക്ലോസ് ചെയ്തു. സെന്‍സെക്‌സ് 356.46 പോയന്റ് നഷ്ടത്തില്‍ 37165.16ലും നിഫ്റ്റി 101.50 പോയന്റ് താഴ്ന്ന് 11244.70ലുമാണ് വ്യാപാരം അവസാനിപ്പിച്ചത്.

ബിഎസ്ഇയിലെ 1332 കമ്പനികളുടെ ഓഹരികള്‍ നേട്ടത്തിലും 1318 ഓഹരികള്‍ നഷ്ടത്തിലുമായിരുന്നു. 166 ഓഹരികൾ മാറ്റമില്ലാതെ തുടർന്നു.
പവർ ഗ്രിഡ്, ഇൻഡസ് ഇൻഡ് ബാങ്ക്, ലുപിൻ, ഡോ റെഡ്ഢീസ് ലാബ് എന്നിവയാണ് ഇന്ന് ഏറ്റവും കൂടുതൽ നേട്ടമുണ്ടാക്കിയത്. എന്നാൽ എയർടെൽ, കൊട്ടക് മഹീന്ദ്ര ബാങ്ക് എന്നീ ഓഹരികൾക്ക് കനത്ത നഷ്ടം നേരിടേണ്ടി വന്നു.

മിഡ്ക്യാപ് സ്മോൾ ക്യാപ് ഓഹരികളും ഇന്ന് മോശം പ്രകടമാണ് കാഴ്ച്ച വച്ചത്. ഓട്ടോ, ഇൻഫ്ര, ഐടി, ബാങ്ക്, ഊർജ മേഖലകളിലെ ഓഹരികളാണ് ഇന്ന് നഷ്ട്ടം നേരിട്ടവയിൽ അധികവും.

തിങ്കളാഴ്ച്ച വരെ തുട‍ർച്ചയായ നാല് ദിവസവും ഇന്ത്യൻ ഓഹരി വിപണി റെക്കോ‍ർഡ് നേട്ടത്തിലാണ് ക്ലോസ് ചെയ്തത്. എന്നാൽ ഇന്നലെ മുതൽ ഓഹരി സൂചികകൾ നഷ്ട്ടം നേരിട്ടു തുടങ്ങി.

malayalam.goodreturns.in