എച്ച്ഡിഎഫ്സി ഭവന വായ്പ പലിശ നിരക്ക് കൂട്ടി

ഹൗസിങ് ഡെവലപ്‌മെന്റ് ഫിനാന്‍സ് കോര്‍പ്പറേഷൻ (എച്ച്ഡിഎഫ്‌സി) ഭവന വായ്പ പലിശ നിരക്ക് വര്‍ധിപ്പിച്ചു. റിസർവ് ബാങ്ക് ഓഫ് ഇന്ത്യ ഈ വ‍ർഷത്തെ മൂ​​​ന്നാ​​​മ​​​ത്തെ ദ്വൈ​​​മാ​​​സ വായ്പാ നയം പ്രഖ്യാപിച്ചതിന് തൊട്ടു പിന്നാലെയാണ് എച്ച്ഡിഎഫ്സിയും നിരക്ക് ഉയ‍ർത്തിയിരിക്കുന്നത്.

എച്ച്ഡിഎഫ്സി റീട്ടെയിൽ പ്രീമിയം ലെൻഡിം​ഗ് റേറ്റ് (ആർ.പി.എൽ.ആർ) 20 ബേസിസ് പോയിൻറാണ് വർദ്ധിപ്പിച്ചിരിക്കുന്നത്. ഓഗസ്റ്റ് ഒന്നു മുതൽ പുതുക്കിയ നിരക്ക് പ്രാബല്യത്തിൽ വന്നു.

സ്ത്രീകൾക്ക് 30 ലക്ഷം രൂപ വരെയുള്ള വായ്പകൾ 8.70 ശതമാനം പലിശ നിരക്കിലും 30 ലക്ഷത്തിന് മുകളിലുള്ള വായ്പ 8.8 ശതമാനം പലിശ നിരക്കിലും ലഭിക്കും. മറ്റ് ഉപഭോക്താക്കൾക്ക് ഈ നിരക്കിനേക്കാൾ 5 ബേസിസ് പോയിന്റ് അധികമായിരിക്കും.

കഴിഞ്ഞ ദിവസത്തെ ആർബിഐ വായ്പാനയ പ്രഖ്യാപനത്തിൽ റിപ്പോ നിരക്ക് 25 ബേസിസ് പോയിന്റ് ഉയർത്തിയിരുന്നു. കഴിഞ്ഞ ഏപ്രലിലും എച്ച്ഡിഎഫ്സി പലിശ നിരക്ക് ഉയ‍ർത്തിയിരുന്നു. 2013 ഡിസംബറിനു ശേഷം ഏപ്രിലിൽ ആണ് ഹൗസിങ് ഡെവലപ്‌മെന്റ് ഫിനാന്‍സ് കോര്‍പ്പറേഷൻ പലിശ നിരക്ക് വര്‍ദ്ധിപ്പിച്ചത്.

malayalam.goodreturns.in