ജെറ്റ് എയർവെയ്സിൽ ടിക്കറ്റുകൾക്ക് 30 ശതമാനം ഡിസ്കൗണ്ട്. യുറോപ്പ് ഓൺ സെയിൽ സ്കീമിന് കീഴിലാണ് കമ്പനി ടിക്കറ്റുകൾക്ക് 30 ശതമാനം കിഴിവ് വാഗ്ദാനം ചെയ്തിരിക്കുന്നത്. 2018 ഓഗസ്റ്റ് 17 വരെ ഡിസ്കൗണ്ട് നിരക്കിൽ ടിക്കറ്റുകൾ ബുക്ക് ചെയ്യാവുന്നതാണ്.

യൂറോപ്പിലേക്കുള്ള തിരഞ്ഞെടുത്ത ഫ്ലൈറ്റുകൾക്ക് മാത്രമാണ് ഓഫർ നിരക്ക് ബാധകമാകുന്നത്. എന്നാൽ ലണ്ടൻ, മാഞ്ചസ്റ്റ‍ർ എന്നിവിടങ്ങളിലേയ്ക്ക് ഈ നിരക്ക് ബാധകമല്ല. കൂടാതെ ഇക്കണോമി ക്ലാസ് ടിക്കറ്റുകളാണ് ഈ നിരക്കിൽ ലഭിക്കുക.

ആ​ഗസ്റ്റ് 2ന് ശേഷമുള്ള യാത്രാ ടിക്കറ്റുകളാണ് ഇത്തരത്തിൽ ലഭിക്കുക. ഇതേ സമയം രാജ്യത്തെ രണ്ടാമത്തെ വലിയ എയർലൈനായ ജെറ്റ് എയർവെയ്സും അന്താരാഷ്ട്ര സർവീസുകൾക്കും 15 ശതമാനം ഇളവ് പ്രഖ്യാപിച്ചിട്ടുണ്ട്. ഓഗസ്റ്റ് 6 വരെയാണ് ഉപഭോക്താക്കൾക്ക് ഈ ഇളവ് ലഭിക്കുക.

ഫുക്കെറ്റ്, മനില, സിഡ്നി, ഓക്ക്ലൻഡ്, ബെയ്ജിംഗ്, കെയ്ൻസ്, ഡാർവിൻ, ബാലി, ജക്കാർത്ത എന്നിവിടങ്ങളിലേയ്ക്കാണ് അന്താരാഷ്ട്ര ടിക്കറ്റുകൾ ഓഫ‍ർ നിരക്കിൽ ലഭിക്കുന്നത്. കഴിഞ്ഞ മാസവും ജെറ്റ് എയര്‍വെയ്സ് ആഭ്യന്തര, അന്താരാഷ്ട്ര സർവ്വീസ് പ്രീമിയര്‍, ഇക്കണോമി ക്ലാസ് ടിക്കറ്റുകൾക്ക് 30 ശതമാനം വരെ ‍ഡിസ്കൗണ്ട് നൽകിയിരുന്നു.

malayalam.goodreturns.in