ഓണ്‍ലൈന്‍ ഷോപ്പിംഗ് സൈറ്റായ ആമസോണ്‍ സ്വാതന്ത്രദിനത്തോടനുബന്ധിച്ച് നാലു ദിവസത്തെ ഫ്രീഡം സെയിലിന് ഒരുക്കുന്നു. ഓഗസ്റ്റ് ഒമ്പതു മുതല്‍ 12ന് അര്‍ധരാത്രി 11.59 വരെയാണ് സെയില്‍ നടക്കുന്നത്.

സ്മാര്‍ട്ട് ഫോണുകള്‍, കണ്‍സ്യൂമര്‍ ഇലക്ട്രോണിക്‌സ് ഉത്പന്നങ്ങള്‍, ഫാഷന്‍, നിത്യോപയോഗ സാധനങ്ങള്‍, ടെലിവിഷന്‍ തുടങ്ങി ഇരുപതിനായിരത്തോളം ഡീലുകളാണ് സെയിലില്‍ ഉണ്ടാകുന്നത്. നൂറോളം വിഭാഗത്തില്‍ നിന്നായി 17 കോടി ഉത്പന്നങ്ങള്‍ ഉപഭോക്താക്കള്‍ക്ക് ആമസോണ്‍ ഫ്രീഡം സെയിലില്‍ ലഭ്യമാകും.

എസ്.ബി.ഐ. ക്രെഡിറ്റ് കാര്‍ഡ് അല്ലെങ്കില്‍ ഡെബിറ്റ് കാര്‍ഡ് ഉപയോഗിച്ച് ഫ്രീഡം സെയിലില്‍ വാങ്ങലുകള്‍ നടത്തുന്ന ഉപഭോക്താക്കള്‍ക്ക് 10 ശതമാനം അധിക ക്യാഷ് ബാക്ക് ലഭിക്കും. കൂടാതെ, ഡെബിറ്റ് കാര്‍ഡ് ഉപയോഗിച്ച് പര്‍ച്ചേസ് നടത്തുന്ന തിരഞ്ഞെടുക്കപ്പെട്ട ബാങ്കുകളിലെ അര്‍ഹതപ്പെട്ട ഉപഭോക്താക്കള്‍ക്ക് ഇഎംഐ സൗകര്യവും ഒരുക്കിയിട്ടുണ്ട്.

ദി ബിഗ് ഫ്രീഡം സെയിൽ എന്ന പേരിൽ ഓഗസ്റ് 10 മുതൽ 12 വരെ ഫ്ലിപ്കാർട്ടിലും ഓഫർ വിൽപ്പനയുണ്ട്. 30 ശതമാനം വരെ കിഴിവിൽ ഫ്ലിപ്കാർട്ടിൽ സ്മാർട്ട്ഫോണുകൾ ലഭ്യമാകും എന്നാണ് വിവരം. ഇതിൽ സാംസങ് ഈയടുത്ത് ഇറക്കിയ ഗാലക്‌സി ഓൺ മാക്സ് മോഡൽ മികച്ച കിഴിവുകളോടെ ലഭ്യമാകും എന്നും റിപ്പോർട്ടുകളുണ്ട്.

malayalam.goodreturns.in