ഇന്ത്യയിൽ തൊഴിൽ വളർച്ച ഒരു ശതമാനം കുറഞ്ഞ് 6.6 ശതമാനമായതായി പഠന റിപ്പോർട്ട്. വലിയ കമ്പനികൾ റിക്രൂട്ട്മെന്റ് നിരക്ക് കുറച്ചതാണ് തൊഴിൽ മേഖലയിലെ വളർച്ച കുറയാൻ കാരണമെന്നും കെയർ റേറ്റിംഗ് നടത്തിയ പഠന റിപ്പോർട്ടിൽ പറയുന്നു.

2016 - 17 കാലഘട്ടത്തിൽ തൊഴിൽ വളർച്ച 7.7 ശതമാനമായിരുന്നു. പ്രധാനമായും 50 മുതൽ 100 ​​കോടി വരെയും 100 മുതൽ 250 കോടി വരെയും 500 മുതൽ 1000 കോടി വരെയും വിറ്റുവരവുളള കമ്പനികളിൽ തൊഴിൽ വളർച്ച വളരെ കുറവാണ്.

എന്നാൽ 1000 കോടി രൂപയ്ക്ക മുകളിൽ വിറ്റുവരവുള്ള വൻകിട കമ്പനികളിൽ ശക്തമായ തൊഴിൽ വളർച്ച രേഖപ്പെടുത്തിയതായും റിപ്പോർട്ടിൽ പറയുന്നു. 2018ൽ ഇന്ത്യയിൽ ഷിപ്പിംഗ്, മാദ്ധ്യമ വിനോദ മേഖല, രാസവസ്തുക്കൾ, ഇലക്ട്രിക്കൽ, ഇരുമ്പ്, ഉരുക്ക്, ഡയമണ്ട് തുടങ്ങിയ മേഖലകളിൽ മികച്ച വളർച്ച കൈവരിക്കുന്നുണ്ടെങ്കിലും ഈ മേഖലയിലെ തൊഴിൽ മേഖലയിൽ കാര്യമായ പുരോഗതിയില്ലെന്നും റിപ്പോർട്ടിൽ പറയുന്നു.

എന്നാൽ ടെലികോം മേഖലയിൽ വളർച്ച കുറവാണെങ്കിൽ നിരവധി പേർക്ക് ഈ മേഖലയിൽ ജോലി ലഭിച്ചതായാണ് വിവരം. 15 ശതമാനത്തിൽ കൂടുതൽ വളർച്ച കൈവരിച്ചതായി റിപ്പോർട്ടിൽ പറയുന്നു.

malayalam.goodreturns.in