വെള്ളിയാഴ്ച്ച മുതൽ

വെള്ളിയാഴ്ച്ച മുതലാണ് അവധി ആരംഭിക്കുന്നത്. വെള്ളി ഒന്നാം ഓണവും ശനി തിരുവോണവുമാണ്. ഈ രണ്ട് ദിവസങ്ങളിലും ബാങ്കുകൾക്ക് അവധിയാണ്. അടുത്ത ദിവസമായ ഞായറും അവധി തന്നെ. തുടർന്ന് തിങ്കളാഴ്ച്ച ശ്രീനാരായണ ​ഗുരു ജയന്തി പ്രമാണിച്ചാണ് അവധി.

എടിഎമ്മുകൾ കാലിയാകാൻ സാധ്യത

സംസ്ഥാനത്ത് മഴക്കെടുതിയെ തുടർന്ന് കഴിഞ്ഞ ആഴ്ച്ചകളിൽ മിക്ക ബാങ്കുകളും എടിഎമ്മുകളും പ്രവർത്തിച്ചിരുന്നില്ല. ഇതിന് പിന്നാലെ തുടർച്ചയായി അവധി കൂടി എത്തുന്നതോടെ മിക്കയിടത്തും എടിഎമ്മുകൾ കാലിയാകാൻ സാധ്യതയുണ്ട്. അതുകൊണ്ട് കാശിന് ആവശ്യമുള്ളവർ നേരത്തേ തന്നെ പണം കൈയിൽ കരുതുന്നതാണ് നല്ലത്.

ഇന്നും അവധി

ബക്രീദായതിനാൽ ഇന്നും ബാങ്കുകൾക്ക് അവധിയാണ്. ഈ ആഴ്ച്ച ഇനി നാളെ മാത്രമാണ് ബാങ്കുകൾ പ്രവ‍ർത്തിക്കുക. അതുകൊണ്ട് തന്നെ ബാങ്കുകളിൽ നാളെ തിരക്ക് അനുഭവപ്പെടാൻ സാധ്യതയുണ്ട്.