എയർ ഏഷ്യ ഇന്ത്യ യാത്രക്കാ‍ർക്ക് വമ്പൻ ഓഫറുകളുമായി രം​ഗത്ത്. അന്താരാഷ്ട്ര വിമാന യാത്രയ്ക്ക് വെറും 1,399 രൂപയാണ് കമ്പനി നിശ്ചയിച്ചിരിക്കുന്ന നിരക്ക്. 999 രൂപയ്ക്ക് എയർ ഏഷ്യയിൽ ആഭ്യന്തര യാത്രകളും നടത്താം. ഇന്ന് ടിക്കറ്റ് ബുക്കിം​ഗ് ആരംഭിക്കും. സെപ്റ്റംബർ 9 വരെ ഈ നിരക്കിൽ ടിക്കറ്റുകൾ ലഭിക്കുന്നതാണ്.

അടുത്ത വർഷം ഫെബ്രുവരി 19നും നവംബർ 30നും ഇടയിൽ യാത്ര ചെയ്യുന്നവർക്കാണ് ഈ നിരക്കിൽ ടിക്കറ്റുകൾ ലഭിക്കുക. എയർ ഏഷ്യ ഗ്രൂപ്പിന്റെ എല്ലാ സർവ്വീസുകൾക്കും ഓഫർ ബാധകമാണ്. എയർ ഏഷ്യ ഇന്ത്യ, എയർ ഏഷ്യ ബെർഹദ്, തായ് എയർ ഏഷ്യ, എയർ ഏഷ്യ എക്സ് തുടങ്ങിയ ഫ്ലൈറ്റുകളിൽ ഈ ഓഫർ ലഭ്യമാണ്.

Airasia.com, എയർ ഏഷ്യ മൊബൈൽ ആപ്ലിക്കേഷൻ എന്നിവ വഴിയുള്ള എല്ലാ ബുക്കിംഗുകൾക്കും ഈ ഇളവ് ബാധകമാണ്. കോലാലംപൂർ, ബാങ്കോക്ക്, ക്രാബി, സിഡ്നി, ഓക്ക്ലൻഡ്, മെൽബൺ, സിങ്കപ്പൂർ, ബാലി തുടങ്ങിയ അന്താരാഷ്ട്ര യാത്രകൾക്ക് ഈ സേവനം ലഭ്യമാകും.

ബം​ഗളൂരു, കൊൽക്കത്ത, ഡൽഹി, കൊച്ചി, ഗോവ, ജയ്പുർ, ചണ്ഡീഗഢ്, പുനെ, ഗുവാഹത്തി, ഇംഫാൽ, വിശാഖപട്ടണം, ഹൈദരാബാദ്, ശ്രീനഗർ, ബാഗോഗ്ര, റാഞ്ചി, ഭുവനേശ്വർ, നാഗ്പൂർ, ഇൻഡോർ, സൂററ്റ്, അമൃത്സർ, ചെന്നൈ എന്നിവിടങ്ങളാണ് ഓഫർ ബാധകമായ ആഭ്യന്തര സർവ്വീസുകൾ.

malayalam.goodreturns.in