സ്വ‍ർണത്തിന് ഇന്ന് വില കൂടി

സ്വര്‍ണ വിലയിൽ ഇന്ന് വർദ്ധനവ്. പവന് 80 രൂപയാണ് ഇന്ന് കൂടിയത്. 22, 760 രൂപയാണ് പവന്റെ ഇന്നത്തെ വില. സെപ്റ്റംബര്‍ മാസത്തിലെ ഏറ്റവും ഉയര്‍ന്ന നിരക്കാണിത്.

ഗ്രാമിന് 10 രൂപ വര്‍ദ്ധിച്ച് 2845 രൂപയിലാണ് വ്യാപാരം പുരോഗമിക്കുന്നത്. ഈ ആഴ്ച്ചയിലെ ഏറ്റവും കുറഞ്ഞ നിരക്ക് രേഖപ്പെടുത്തിയത് സെപ്റ്റംബര്‍ മൂന്നിനായിരുന്നു. ഗ്രാമിന് 2,805 രൂപയായിരുന്നു അന്നത്തെ വില. പവന് 22440 രൂപയും. കഴിഞ്ഞ മാസത്തെ ഏറ്റവും കൂടിയ നിരക്ക് 22600 രൂപയായിരുന്നു. കുറഞ്ഞ നിരക്ക് 21760 രൂപയും.

യു.എ.ഇ വിപണിയില്‍ കഴിഞ്ഞയാഴ്ച്ച സ്വര്‍ണ വിലയിൽ വൻ ഇടിവാണ് രേഖപ്പെടുത്തിയത്. രൂപയുടെ വിനിമയ മൂല്യം ഇടിഞ്ഞതിനു വഴിയൊരുക്കിയ അമേരിക്കന്‍ ഡോളറിന്റെ മികവ് തന്നെയാണ് സ്വര്‍ണ വിപണിയിലെ വിലയിടിവിന് കാരണം. അമേരിക്കന്‍ സാമ്പത്തിക രംഗത്തെ മുന്നേറ്റമാണ് ആഗോള തലത്തില്‍ സ്വര്‍ണ വില കുറയാന്‍ കാരണമെന്ന് വ്യാപാരികള്‍ പറയുന്നു.

സ്വ‍ർണ വില ഇടിഞ്ഞതോടെ ആവശ്യക്കാര്‍ക്ക് സ്വര്‍ണം സ്വന്തമാക്കാനുള്ള അപൂര്‍വ്വ അവസരമായി കഴിഞ്ഞ ആഴ്ച്ച വിലയിടിവ് മാറിയിട്ടുണ്ട്. അടുത്ത കാലത്തായി സ്വര്‍ണം വാങ്ങിക്കുന്നവരുടെ എണ്ണം വര്‍ദ്ധിച്ചതും വിപണിക്ക് ഗുണകരമായിട്ടുണ്ട്.

malayalam.goodreturns.in