രാജ്യത്തിൻറെ പ്രധാന മന്ത്രി ആയിരിക്കാം ,മൂന്നുതവണ ഗുജറാത്ത് മുഖ്യമന്ത്രിയും ആയിരുന്നു . എന്നാൽ പ്രധാനമന്ത്രിയുടെ ഓഫീസ് (പി.എം.ഒ) നൽകുന്ന കണക്കു പ്രകാരം പ്രധാനമന്ത്രി നരേന്ദ്രമോഡിയുടെ ആസ്തി വെറും 2.3 കോടി രൂപയാണ്,സ്വന്തമായി വാഹനവുമില്ല. കണക്കുകൾ പ്രകാരം മോദി പണമായി കയ്യിൽ സൂക്ഷിക്കുന്നത് 48,944 രൂപയാണ് . കഴിഞ്ഞ വർഷം ഇത് 1.5 ലക്ഷം രൂപയായിരുന്നു . അദ്ദേഹത്തിന് എസ്സ്. ബി. ഐ ഗാന്ധിനഗർ ബ്രാഞ്ചിൽ 11 .5 ലക്ഷം ബാങ്ക് ബാലൻസ് ഉണ്ട് .മോദിയുടെ സ്വത്തു വിവരങ്ങൾ അടങ്ങിയിട്ടുള്ള രേഖയിൽ അദ്ദേഹത്തിനു ലോണുകൾ ഒന്നും തന്നെ ഇല്ല.

സ്റ്റേറ്റ് ബാങ്ക് ഓഫ് ഇന്ത്യയിൽ 1.07 കോടി രൂപയുടെ ഫിക്സഡ് ഡെപ്പോസിറ് അദ്ദേഹത്തിനുണ്ട്. നിക്ഷേപങ്ങളുടെ കണക്കുകൾ പ്രകാരം എൽ. ആൻഡ് ടി. ഇൻഫ്രാസ്ട്രക്ചർ ബോണ്ടുകളിൽ 20,000 രൂപയും നാഷണൽ സേവിംഗ് സർട്ടിഫിക്കറ്റിൽ 5,18,235 രൂപയും ഉണ്ട്. 1.59 ലക്ഷം രൂപയുടെ ലൈഫ് ഇൻഷുറൻസ് പോളിസിയും പ്രധാനമന്ത്രി എടുത്തിട്ടുണ്ട്.

2018 മാർച്ച് 31 ലെ കണക്കനുസരിച്ച് മോഡിയുടെ സ്വത്ത് സംബന്ധിച്ചു പി.എം.ഒ പുറത്തുവിട്ട വിവരങ്ങളാണിത്.