മ്യൂച്വൽഫണ്ട് നിക്ഷേപങ്ങൾക്കു അവസരമൊരുക്കിയതിനു ശേഷം,ഡിജിറ്റൽ മണി സ്പേസിൽ വലിയ മാറ്റങ്ങൾ കൊണ്ട് വന്ന പെ.ടി.എം മണി ആപ് കമ്പനി സ്റ്റോക്ക് ബ്രോക്കറേജ് ലൈസൻസിനായി അടുത്ത രണ്ടാഴ്ചയ്ക്കുള്ളിൽ അപേക്ഷ സമർപ്പിക്കുമെന്നാണ് ഒരു പ്രധാന ബിസിനസ് ദിനപ്പത്രം റിപ്പോർട്ട് ചെയുന്നത്.

മ്യൂച്വൽ ഫണ്ടുകൾക്കായി പെടിഎം മണി ആപ്ലിക്കേഷൻ കമ്പനി ചെറുതും വലുതുമായ നഗരങ്ങളിലെ ഉപഭോക്താക്കളെ ആണ് ലക്ഷ്യം വെച്ചത്.സാമ്പത്തിക ഇടപാടുകളിൽ എല്ലാവരെയും പങ്കാളികൾ ആക്കുക എന്നതാണ് മ്യൂച്വൽ ഫണ്ടിലൂടെ ഉദ്ദേശിച്ചത്.

"അവർ ഒരു സ്റ്റോക്ക് ബ്രോക്കറേജ് ലൈസൻസിനായി അപേക്ഷിക്കാൻ ആഗ്രഹിക്കുന്നുവെങ്കിൽ,അവരെ സന്തോഷത്തോടെ സ്വാഗതം ചെയ്യുന്നു എന്നാണ് ബി എസ് ഇയിലെ ചീഫ് എക്സിക്യൂട്ടീവ് ഓഫീസർ ആശിഷ്കുമാർ ചൗഹാൻ റിപ്പോർട്ടിനെ കുറിച്ച് പറഞ്ഞത്.

ഈ ഡൊമൈനിലേക്കുള്ള പെടിഎം മണിയുടെ കടന്നുവരവിലൂടെ കൂടുതൽ ആളുകൾ നിക്ഷേപ മാർഗ്ഗത്തിലേക്കു വരും എന്നാണ് പ്രതീക്ഷ.