ഒരു പ്രമുഖ ബിസിനസ് ചാനൽ റിപ്പോർട്ടനുസരിച്ച്, ഇന്ത്യൻ റെയിൽവേ ഉടൻ റിസർവ് ചെയ്യാത്ത യാത്രക്കാർക്കായി ക്യൂ.ആർ.കോഡ് അടിസ്ഥാനമാക്കിയ ട്രെയിൻ ടിക്കറ്റ് ബുക്കിംഗ് സൗകര്യം ആരംഭിക്കും.പലപ്പോഴും നീണ്ട ക്യൂവിൽ നിന്ന് ടിക്കറ്റ് ലഭിക്കാത്തത് കൊണ്ട് മാത്രം യാത്രക്കാർക്ക് ട്രെയിനിൽ കയറാൻ കഴിയാത്ത സാഹചര്യം ഉണ്ടാകാറുണ്ട്.ഇത് മറികടക്കാനാണ് ഇന്ത്യൻ റെയിൽവെയുടെ പുതിയ തീരുമാനം.മൊബൈൽ ആപ്ലിക്കേഷനിലൂടെ ടിക്കറ്റ് ബുക്കിംഗ് ചെയ്യാനുള്ള പ്രവർത്തനം തുടങ്ങുമെന്നും,അപ്ലിക്കേഷൻ വഴി ടിക്കറ്റ് ബുക്ക് ചെയ്യാൻ ഒരു മിനിറ്റിനുള്ളിൽ സാധിക്കുമെന്നും അധികൃതർ അറിയിച്ചു.

ട്രെയിൻ ടിക്കറ്റ് ബുക്ക് ചെയ്യൽ

റിസേർവ് ചെയ്യാത്ത ട്രെയിൻ ടിക്കറ്റ് എടുക്കാനായി യാത്രക്കാരൻ മൊബൈലിലെ ആപ്ലിക്കേഷൻ വഴി സ്റ്റേഷനിലെ ക്യു ആർ കോഡ് സ്കാൻ ചെയേണ്ടതാണ് . അതിനു ശേഷം പോകേണ്ട സ്ഥലം ഏതെന്നു ആപ്ലിക്കേഷനിൽ നൽകുക. നിങ്ങളുടെ യാത്ര കൂലി എത്രയെന്നു അറിഞ്ഞതിനു ശേഷം,ഏതെങ്കിലും പേയ്മെന്റ് ആപ്ലിക്കേഷനിലൂടെയോ അല്ലെങ്കിൽ IRCTC ന്റെ മൊബൈൽ വാലറ്റിലൂടെയോ പണം അടയ്ക്കാം . പേയ്മെന്റ് നടത്തിക്കഴിഞ്ഞാൽ ട്രെയിൻ യാത്രയിൽ ടി.ടി.യെ കാണിക്കാൻ പണമടച്ചതിന്റെ രേഖ അപ്ലിക്കേഷൻ വഴി ലഭിക്കുന്നതാണ്.

ക്യുആർ-കോഡ് അധിഷ്ഠിത ബുക്കിംഗ് സംവിധാനം ഉപയോഗിച്ച് മൊബൈൽ ആപ്ലിക്കേഷനിലൂടെ ട്രെയിൻ ടിക്കറ്റ് വാങ്ങുന്നതിനുള്ള സൗകര്യം എക്സ്പ്രസ്,മെയിൽ ട്രെയിനുകൾക്കു ഒരുപോലെ നിലവിൽ,പാസഞ്ചർ ട്രെയിനുകളുടെ ടിക്കറ്റ് ബുക്കിംഗിനായി 30 ഓളം റയിൽവേ സ്റ്റേഷനുകളിൽ ഈ സൗകര്യം ഏർപ്പെടുത്തിയിട്ടുണ്ട്.
.