പ്രധാനമന്ത്രി നരേന്ദ്രമോഡിയുടെ ആരോഗ്യ പദ്ധതി ആരോഗ്യ,ഇൻഷുറൻസ് മേഖലയിലെ 10 ലക്ഷം പേർക്ക് തൊഴിലവസരങ്ങൾ സൃഷ്ടിക്കും.പദ്ധതി ആരോഗ്യപരിരക്ഷയുടെ ഗുണനിലവാരം മെച്ചപ്പെടുത്തുമെന്ന് അസോചം വ്യവസായ വകുപ്പ് സംഘടിപ്പിച്ച പരിപാടിയിൽ പദ്ധതിയുടെ സി.ഇ.ഒ ഇന്ദു ഭൂഷൺ പറഞ്ഞു.

"ഈ പദ്ധതി ഗണ്യമായ തൊഴിലവസരങ്ങൾ സൃഷ്ടിക്കും. ആരോഗ്യ,ഇൻഷുറൻസ് മേഖലയിൽ 10 ലക്ഷം തൊഴിലവസരങ്ങൾ സൃഷ്ടിക്കപ്പെടും." ഇന്ദു ഭൂഷൺ കൂട്ടി ചേർത്തു.വളർന്നു വരുന്ന മറ്റു സമ്പത്ത് വ്യവസ്ഥകളുമായി താരതമ്യം ചെയ്യുമ്പോൾ ഇന്ത്യയിൽ ആരോഗ്യ പരിരക്ഷയ്ക്കായി ധാരാളം പണം ആവശ്യമായി വരുമെന്നും അവർ ചൂണ്ടി കാട്ടി.

ആരോഗ്യ കാര്യങ്ങൾക്കായി ചിലവഴിക്കാൻ പണമില്ലാതെ ഇന്ത്യയിൽ 6 കോടി ജനങ്ങൾ ദാരിദ്ര്യത്തിലേയ്ക്ക് പോകുന്നു.പാവപ്പെട്ടവർ ആരോഗ്യ കാര്യങ്ങൾക്കായി കുറച്ചു പണം മാത്രമാണ് ചിലവിടുന്നത്.നരേന്ദ്ര മോദിയുടെ ആരോഗ്യപരിരക്ഷാ പദ്ധതി 10.7 കോടി ദരിദ്ര കുടുംബങ്ങൾക്ക് അഞ്ചുലക്ഷം രൂപ വാർഷിക ഇൻഷുറൻസ് പരിരക്ഷ നൽകുന്നുണ്ട്.കേന്ദ്ര സർക്കാരിൽ നിന്നും ബാക്കിയുള്ള സംസ്ഥാനങ്ങളിൽ നിന്നും വരുന്ന 60 ശതമാനം സംഭാവനയാണ് പരിരക്ഷയ്ക്കായി നൽകുന്നത്